Петропавлда ресейлік омарташылар бал көрмесін өткізуде

МТРА жаңалықтары

13:45 20 Қазан 2016

Көрмеге қаз-қатар қойылған балдың бағалары әр түрлі. Мәселен, ең арзаны “расторопша”-ның келісі 1800 теңге тұрады. Ал, мына жақтағы өнімдердің құны емдік қасиетіне байланысты жоғарылау келеді.
Жалпы, ресейлік “Эдельвейс-Экспо” ЖШС Петропавлда бал көрмесін осымен екінші рет ұйымдастырып отыр. Осы жолы көрші елдің омарташылары қаламызға әлемде сирек кездесетін “кандык” және “ақ акация” балдарын әкеліпті. Бұл өнімдердің адам денсаулығы үшін пайдасы өте зор.

Светлана Карандышева – “Эдельвейс-Экспо” ЖШС сатушысы, РФ:

– “Кандык” балы қан қысымы жоғары адамдарға пайдалы. Ал, “ақ акацияның” қант диабетімен ауыратын және көзі нашар көретін жандарға көмегі мол. Тағы, бұл табиғи өнім ұйқыны қалыпқа келтіреді.

Сауда алаңында “жөке балын” да кездестіруге болады. Бұл өнімнің де емдік қасиеті мол. Ол адамның иммунитетін артырып, тістің қызыл иегін микроптардан тазалайды.

Светлана Карандышева – “Эдельвейс-Экспо” ЖШС сатушысы, РФ:

– “Жөке балы”-ның келісін 3 мың 500 теңгеден сатудамыз. Бұл табиғи өнім жоғары сұранысқа ие. Әсіресе, оны адамдар суық тигенде және ауыз қуысын тазалау үшін сатып алады. Сонымен қатар, “жөке балын” шайға қосып ішсе, күшті қалыпқа келтіреді.

Ресейлік омарташылар ұйымдастырған бал көрмесі Петропавлда қазан айының 24-іне дейін жалғасады. Жергілікті тұрғындар табиғи таза өнімді Кеншібаев көшесі, 22 мекен жайы бойынша орналасқан “Жастар сарайы”-нан сатып ала алады.

Култанов Байболат

Бұдан әрі оқыңыз

Облыс әкімдігінің отырысы
«Абылай хан резиденциясы» мұражай кешенінде жөндеу жұмыстары жүріп жатыр
Мемлекеттік сатып алулар – жемқорлыққа қарсы қызметтің бақылауында
Облыстық әкімдік отырысы өтті
Дәмханалар мен мейрамханалар қызметін қайта бастады
Өңірде ашық бюджеттердің интерактивті картасы жұмыс істейді
Уәлиханов ауданында жолдар жөнделе ме
Ботаникалық бақ жаңғыртудан кейін қайта ашылды
ХҚКО-лар енді жаңа форматта жұмыс істейді
Қауіпсіздік шараларының сақталуы – назарда
Мониторингілік топ ЖИТС орталығында болды
100 бас мал баптап отырған еңбекқор нәзіжанды