Петропавлда “Өз кәсібінің үздігі” атты байқау өтті

МТРА жаңалықтары

13:50 28 Қыркүйек 2016

Сайысқа қатысушы алдымен темірді арнайы сызбада көрсетілгендей етіп мұқият өлшеуде. Кейін барып ол толыққанды іске кіріспек. Студентке бұл тапсырманы орындау үшін 90 минут уақыт берілген.

Дмитрий Быков – Петропавл машина жасау колледжінің студенті:


–  Маған ең алдымен терезе бұрышын жасау үшін металлды дұрыс өлшеп, кесу кесу керек. Бір жерден қате жіберсем қажетті зат сызбада көрсетілгендей шықпайды. Сондықтан, асықпай істеудемін. Жалпы, бұл бұйымды жасау қиын емес. Тапсырманы берілген уақыттың ішінде орындаймын деп ойлаймын.

Негізі “Өз кәсібінің үздігі” атты байқау қос кезеңнен тұрады. Олардың алғашқысында студенттер 50 сұрақтан құралған тест тапсырмасын орындаса, кейін күнделікті сабақта қолданатын құрылғылар жайлы баяндады. Мұнымен сайыс аяқталған жоқ. Бірінші кезеңнің соңғы сынында сайыскерлер қазылар алқасы ұсынған түрлі бөлшектерді штангенциркульмен өлшеп, оның құрылысын түсіндірді.

Дмитрий Гуйван – “Петропавл ауыр машина жасау зауыты” АҚ бас механигі:


–  Студенттердің колледж қабырғасында алған білімі байқалып тұр. Олар тапсырмаларды ойдағай орындады. Жалпы, бұл оқу ордасының көптеген жастары біздің кәсіпорында оқу-өндірістік тәжірибеден өтеді. Олардың жұмысқа қабілеттілігін сол кезде-ақ байқауға болады.

Байқау соңында жеңімпаздар мақтау қағаздары және бағалы сыйлықтармен марапатталады. Жалпы, бүгінде Петропавл машина жасау колледжінде 4 мамандық бойынша 300-ге жуық студент білім алуда.

Байболат Құлтанов

Бұдан әрі оқыңыз

Қазақстанда айлық есептік көрсеткіштің көлемі өзгерді
Петропавл жаңажылдық үлгіде безендірілді
Президенттің “Тәуелсіздік бәрінен қымбат” атты мақаласы жарияланды
Жастарға қолайлы жағдай жасау – басты назарда
Нұротандықтар қала тұрғындарымен кездесті
Қалалық қоғамдық кеңесінің отырысы өтті
Жемқорларды түрмеден мерзімінен бұрын босатуға тыйым салынды
2021 жылдың наурызында отандақ вакцинамен жаппай екпе егу науқаны басталады
Нұротандықтар шығармашыл жандармен кездесті
Жамбыл аудандық мәслихат депутаттығына үміткерлер тұрғындармен кездесті
IV республикалық имамдар форумы өтті
Мемлекеттік қызметке тұру үшін тапсыратын тестке өзгерістер енгізілді