Петропавлда колледж студенттерінің арасында интеллектуалдық сайыс өтті

МТРА жаңалықтары

11:58 21 Қыркүйек 2016

“Еуропадағы ең үлкен түбек?”. Бұл – бірінші нөмірлі Петропавл гуманитарлық-техникалық колледжінің командасына қойылған сауал. Қыздар сұрақты дұрыс түсінбесе керек, “Хан Тәңірі” деп жауап берді. Есесіне М.Жұмабаев атындағы Петропавл гуманитарлық колледжіндегі қарсыластары оның “Скандинавия” екенін айтып, тиесілі ұпайды өз қоржындарына салды. Айта кету керек, қатысушылар бүгін өздерін шамамен қандай тапсырмалар күтіп тұрғанын алдын ала білген жоқ.

Мерей Жомарт, М.Жұмабаев атындағы Петропавл гуманитарлық колледждің студенті:

– Біз еш қобалжымай, барлық сұрақтарға жауап беруге тиіспіз. Жеңіске жетеміз деп ойлаймын.

Мерей Жомарт бастаған “Star” командасы қарсыластарына орыс, ағылшын тілдерінде қойылған өзге де сұрақтарға дұрыс жауап берді. Әзірге, олар көш басында. Өздеріне келген кезекті де құр жібермей білімдері мен зеректіліктерін танытты. Жалпы бүгін Брейн-ринг зияткерлік ойынына 8 колледждің командасы қатысуда.

Динара Шаймерденова, СҚО білім басқармасы білім саласындағы әдістемелік жұмыс және ақпараттық технологиялар орталығының әдіскері:

– Түрлі сұрақтар қоямыз. Тапсырмалар күрделі. Үздік топ жеңіске жетеді деп ойлаймыз.

Интеллектуалдық сұрақтардан тұратын екі кезеңнен де сүрінбей өтіп, ең көп ұпай жинаған құрамалар 3-ші айналымға өтеді. Ал онда сайысқа қатысушылар берілген тақырыпқа үш тілде эссе жазулары тиіс.

Акбопе Танирберген

Бұдан әрі оқыңыз

«Абылай хан резиденциясы» мұражай кешенінде жөндеу жұмыстары жүріп жатыр
Өңірдегі карантин режимі тағы да жеңілдетілді
Дәмханалар мен мейрамханалар қызметін қайта бастады
Құрылыс жұмыстары қадағаланады
Мемлекеттік қызмет көрсетудің сапасы
Орман алқаптарында минералды жолақтар жыртылуда
Уәлиханов ауданында “Ашық әкімдік” ашылды
Жергілікті тауарлар дүкен сөрелерінде алдыңғы қатарда тұруы тиіс
Автобустарда маска киюге қатысты рейд өткізіп жатыр
Сұлулық салондарында санитарлық талаптар сақтала ма?
ХҚКО-лар енді жаңа форматта жұмыс істейді
Қ.Ақсақалов: “Экономикамыздың дамуы жаман емес”