Биыл “Нұр Отан” партиясының кадрлық резервіне 167 солтүстікқазақстандық алынады

Аптадағы маңызды жаңалықтар

13:57 20 Қыркүйек 2016

Артур Молдағұлов – “Нұр Отан” партиясы СҚОФ төрағасының бірінші орынбасары:


– Аймақтық партиялық кадрлық резервке ену үшін кандидаттар 3 сатылы іріктеу жүйесінен өтуі қажет. Үміткерлердің әрқайсысы кәсіби, партиялық және жеке сипаттары бойынша кешенді тексеруден өтеді. Мысалы, партия мүшелігі бойынша өтілі 2 жылдан, ал жалпы еңбек өтілі 4 жылдан кем болмауы тиіс. Сондай-ақ, алған білімі мен партиялық қызметтегі сіңірген еңбегі де ескеріледі.

«Нұр Отан» партиялық кадрлық резервіне қылмыстық, әкімшілік жауакершілікке тартылмағандар және сыбайлас жемқорлық жасамағандар алынады. Партияның аймақтық кадрлық резервіне ел бойынша шамамен 3 мың адам енеді. Шарт бойынша барлығының арнаулы орта, жоғары білімі болуы қажет. Және кез келгені Конституциялық заңдар мен жетекші партияның саяси Доктринасы, стратегиялық құжаттарын бүге-шүгесіне дейін білуі тиіс. Себебі, олар келешекте мемлекеттік және облыстық маңыздағы бағдарламалардың тиімді жүзеге асырылуын қадағалайтын болады.

Артур Молдағұлов – “Нұр Отан” партиясы СҚОФ төрағасының бірінші орынбасары:

– Резервке әр ауданнан – 10, қаладан – 12, облыс орталығынан 25 кандидаттан алынады. Аймақтық резервке енген үміткерлер келешекте мәслихат депутаттығына, аймақтық саяси кеңестер, партиялық бақылау комиссиялары, сыбайлас жемқорлыққа қарсы іс-қимыл жөніндегі қоғамдық кеңестер және партияның басқа да органдарына жұмысқа орналаса алады.

Сондай-ақ, резервке алынған жерлестеріміз келешекте партияның орталық аппаратында және аймақтық, аумақтық филиалдарының аппаратындарындағы бос лауазымдық орындарға байқау негізінде жұмысқа орналастырылмақ.

Берік Қасен

Бұдан әрі оқыңыз

Өңірге қысқа қажет көмір қорының 60 пайызы жеткізілген
Праймериз пікірсайыстары басталды
Жолдауда жүктелген міндеттер талқыланды
Қасым-Жомарт Тоқаевтың СҚО-ға жасаған іссапары
Облыс әкімі жұмыс сапарымен Тимирязев ауданында болды
Құс тұмауы СҚО-да 11 ауданда тіркелді
СҚО-дағы 7 ауданда карантин шаралары енгізілді
Өлкедегі аграрлы саланың әлеуеті Үкімет отырысында баяндалды
Жолдау жүктеген жаңа міндеттер
СҚО-да қос бірдей шенеунік қызметінен босатылды
Емханаларға тіркелу науқаны бастау алды
Президенттің кезекті жолдауы жарияланды