Нәзікжандының осы спорт түрімен айналысқанына 1 жылдан асқан. Ол бүгінгі “Здорово живем” атты спорттық шараның өткізілетіні жайлы әлеуметтік желіден біліп, кейін осы жарысқа құрбысымен бірге қатысуға келіпті.
Алма Баукенова – жарысқа қатысушы:
– Бүгін Пестрое көлінде ұйымдастырылып отырған волейбол жарысына қатысып жатырмын. Осындай спорттық шаралар қаламызда жиірек өткізіліп тұрса деймін.
Жағажай волейболына қатысуға 2 адамнан құралған 10 команда жиылыпты. Жалпы, аталмыш жарысқа спортшылардан бөлек, қала тұрғындары да қатысып, бақтарын сынады.
Евгений Пеньков – акция ұйымдастырушысы:
– Демалушыларға арнап волейбол, футбол, квест ойындарын өткіземіз. Жалпы бүгінгі акцияның мақсаты – халықты салауатты өмір салтын ұстануға баулу.
Шара соңында жарысқа қатысушыларға грамоталар мен сыйлықтар табыс етілді.
Айсулу Сергали