Облыстық Қазақстан халқы Асамблеясы жанындағы Аналар кеңесінің мүшелері жас келіншектерге ақ орамалдарды табыстап, ақ жаулықтың қасиеті жайлы айтып, ардақты ана атануларын тіледі. Интернационалды жанұя Қанат Исмаилов пен Виктория Гамзинаның танысқандарына 5 жылдан астам уақыт болыпты. Олар жаңа ғана некелерін қиып, отбасы атанды.
Виктория Гамзина:
– Орыс пен қазақ халқының салт-дәстүрлерін бірдей ұстанып той өткізіп жатырмыз. Қандай ұлт өкілі екеніміз маңызды емес, ең бастысы, ол – арамыздағы махаббат сезімі, сыйластық пен татулық.
Роза Кәрімова – Облыстық Қазақстан халқы асамблеясы жанындағы Аналар кеңесінің мүшесі:
– Жастар жанұя құндылықтарын жақсы білулері, бағалаулары тиіс. Біз Аналар кеңесі осы шараға өз үлесімізді қосып отырмыз.
Айсулу Сергали