Қала тұрғыны Бауыржан Әлібеков мұнда әр демалыс сайын келеді екен. Ол қатарластарыммен би билеп, жастық шағымды еске аламын дейді.
Бауыржан Әлібеков – қала тұрғыны:
– Қаланың қариялары концертке келіп, би билеп, көңілдерін көтеруде. Облыс және қала әкіміне өте ризамыз. Өнер мен спорт өңірімізде дами берсін.
Жергілікті өнерпаз ұл-қыздар сахнаға шығып, 80-ші жылдардағы хит болған әндерді орындауда. Әсіресе, облыстық филармонияның солистері Бақыт Ілиясов, Әділхан Кәрімов, Нұржан Асылхан пен Айгерім Қуанышевалар жиналғандардың зор қошеметіне бөленді.
Айта кетейік, қаламызда ретро кештер мамыр айының 13-інен бастап өткізілуде. Содан бері Жеңіс және Мәдениет және демалыс саябағында жұма, сенбі, жексенбі күндері тұрғындар сахна алдына жиналып, би билейді, өнерпаздарға қосылып ән айтады.
Асиик Галия:
– Біз мұнда көңіл көтеріп, ән салуға келеміз. Ешқандай фитнес клубқа бармасақ та осында жиналамыз. Би билеп, уақытты жақсы өткіземіз.
Вадим Хабибулин:
– Апта сайын концертке келіп тұрамын. Маған өте ұнайды, би билегенді жақсы көремін. Осындай ретро алаңды ашқан облыс әкіміне алғысым шексіз.
Петропавлда ретро кештер қазан айына дейін ұйымдастырылмақ.
Айсулу Сергали