Оларға олимпиада ойындараның жеңімпазы Александр Винокуровтың жетістігі туралы айтылып, спорттың түрлері таныстырылды.
Сергей Мелехов – Александр Винокуров атындағы спорт сарайы басшысының спорттық ғимараттар бойынша орынбасары:
– Осындай шаралардың арқасында мейлінше көп жасты спортқа тартуды көздейміз. Қазірдің өзінде біздің спорт сарайында 13 спорт түрімен айналысуға жағдай жасалған. Олар – жеңіл атлетика, көркем гимнастика, хоккей, мәнерлеп сырғанау, дзюдо, самбо, бокс , таэквандо және тағы басқалары.
Жалпы спорт сарайында 7 жаттығу залы, жеңіл атлетикалық манеж және мұз айдыны бар. Жеткіншектер соның бәрін көріп, тренажер құралдарында да дене жаттығуларын жасады. Ал, экскурсия соңында мұз айдынында коньки тебуге мүмкіндік алды.
Вера Григорьева – Жетім және ата-анасының қамқорлығынсыз қалған балаларға арналған облыстық мектеп-интернатының тәрбиеленушісі:
– Бүгінгі саяхат өте танымды болды. Маған ең алдымен гір көтеру залы ұнады. Өйткені, мен осы спорт түрімен айналысамын.
Александр Иванов – Жетім және ата-анасының қамқорлығынсыз қалған балаларға арналған облыстық мектеп-интернатының тәрбиеленушісі:
– Бізге мұз айдынында тегін сырғанауға мүмкіндік бергеніне алғыс білдіремін. Конькиді тебуде бір ғанибет. Мына жерде барлығы әдемі.
Тамыздың 16-ы күні жетім және ата-анасының қамқорлығынсыз қалған балалар үшін спорт сарайында тағы да осындай шара ұйымдастырылмақ.
Тоғжан Ақмағамбетова