Алайда, журналист пен Елбасының белгіленген сұхбаты бүкіл елді аралаумен, тарихқа көз жүгірткен ұзақ уақытқа созылған қызыққа толы саяхатқа ұштасады. Бұл туындыда 1984-91 жылдар аралығы, яғни, Кеңес Одағының ыдырауы және Тәуелсіз Қазақстанның құрылуы көрсетілген.
Алдабек Шалбаев – актер:
– Мен ұлы тұлға Дінмұхамед Қонаевты сомдадым. 100 пайыз орындадым деп айта алмаймын. Дегенмен тырыстым. Көп ізденісте болдым. Музейге бардым. Касеталарды қарадым.
Фильм түсірілімі Қазақстан және Ресей аумағында жүргізілді. Кинотуындының режиссері және сценарий авторы – Ресейдің халық әртісі Сергей Снежкин. Ал басты рөлді қазақстандық танымал актер Берік Айтжанов сомдаған.
Бекболат Шекеров – «Ш.Айманов атындағы Қазақфильм» АҚ сарапшылық кеңесінің қосалқы төрағасы:
– Бұл кинотуындыдан біраз материал шықты. Енді болашақта осы фильмнен сериал түсіруді жоспарлап отырмыз. «Жұлдыздар тоғысқанда» фильмі мамыр айында Ресейдің астанасы Мәскеуде де көрсетіледі.
Фильмнің тұсаукесері сәуірдің 26-сы күні Астана қаласында Елбасының қатысуымен өтті. Ал 28-нен бастап, еліміздің өзге де қалаларында көрсетіле бастады. Туындыны солтүстікқазақстандықтар да асыға күткен. Бұны залға жиналған көрермендерден байқауға болады.
Назерке Аханова – М.Қозыбаев атындағы СҚМУ студенті:
– Фильмге келгеніме қуаныштымын. Жастарға өте пайдалы туынды. Біз тарихымызды және Президентіміздің өмірі жайлы білуіміз қажет.
Рашид Надиров – СҚО бойынша «Барбанг» күрдтер қауымдастығы» ҚБ төрағасы:
– Бұл фильмде Елбасымыздың өмірі баяндалады. Сонау қиын кездер көрсетіледі. Президентіміздің тығырықтан шыққандығы. Яғни, тәуелсіздік жылдарына дейінгі біздің тарихымыз.
Айту керек, бұл – «Елбасы жолы» киноэпопеясының 5-ші туындысы. Осыған дейін «Балалық шағымның аспаны», «От өзен», «Теміртау», «Тығырықтан жол тапқан» картиналары жарыққа шыққан.
Айгерим Ержанова