Ал, екінші жиырма минуттықта атыраулықтар есеп айырмасын қысқартты. Бұған жауап ретінде теріскейлік хоккейшілер Максим Волков пен Антон Дубинин көзге түсіп таблодағы есепті 1 де 4-ке жеткізді. Дегенменде соңғы үшінші периодта жерлестеріміз қолдағы жеңістен айырылды. Айдын иелері жас қақпашы Максим Грязновтан айлаларын 3 мәрте асырып, ойынды овертаймға шегерді.
Қосымша уақытта солтүстікқазақстандықтар қорғаныста мүлде салғырттық танытты. Алдымен сан басымдығын пайдалана алмады. Ал, бірнеше минуттардан соң шайба жіберіп жеңістен айырылды. Қос құрама арасындағы жалпы есеп 2 де 0. Әзірге атыраулықтар алда. Енді командалардың қарымта ойындары Петропавлда 19-20-наурызда өтеді. Айта кеткен жөн, Құлагерліктерге жарысты жалғастыру үшін бейбарыстық жігіттерді 4 рет жеңу қажет.
Култанов Байболат