Осыдан он шақты жыл бұрын шаршы алаңда қарсылас шыдатпаған жерлесіміз әлі де үлкен спорттан қол үзбепті. Ол қазір өзі қызмет ететін Қазақстан Республикасының Ұлттық ұлан Әскери институтында курсантарды ережесіз жекпе-жектен дайындайды. Оған бүгін облыстың дене шынықтыру саласына қосқан сүбелі үлесі үшін Нұр Отан партиясының жергілікті филиалының атынан алғыс хат табысталып отыр.
Мирас Брімжанов – кикбокстан әуесқойлар арасында екі дүркін әлем чемпионы:
-Спортты әлі де тастамаймыз. Дене шынықтырумен үнемі айналысамыз. Курсанттарды ережесіз жекпе-жекке дайындап жатырмын. Былтыр менің тәрбиеленушілерім ел біріншілігінде үздік нәтиже көрсетті.
Сондай-ақ, жиында жерлес желаяқ қыз Маргарита Мукашеваға байрақты бәсекелерде үздік нәтиже көрсеткені үшін ТМД қатысушы-мемлекеттерінің парламент аралық Ассамблеясының атынан төсбелгі табысталды.
Бұған қоса отырыста теріскейлік 13 спорт саңлаққа “Нұр Отан” партиясының жергілікті филиалынан алғыс хаттар және 10 жерлесімізге партиялық билеттер табысталды.
Култанов Байболат