Өйткені, қарулы шайқас 36 жыл бұрын дәл осы уақытта басталған екен. Еске алу шарасына қатысушылар ең алдымен ескерткіш басына облыс әкімінің атынан гүл шоқтарын қойып, құрбан болған теріскейлік жауынгерлердің рухына 1 минуттық үнсіздікпен тағзым етті.
Игорь Гамов – СҚО Ауған соғысы ардагерлері ұйымының төрағасы:
– Біз жыл сайын 25-ші желтоқсан күні осында келіп майдан даласында қаза тапқан батырларды еске аламыз. Олардың ерлігі мәңгі бақи біздің жадымызда. Ауған соғысына қатысушылар мен құрбандарын қадірлеу – өскелең ұрпақтың қасиетті парызы.
Ауған соғысына елімізден 22 мыңға жуық жауынгер қатысқан. Оның мың жарымы – теріскейлік жігіттер. Бұл жарияланбаған, жұмбақ соғыс, жеңімпазы жоқ соғыс 1989ж 15 ақпанда аяқталды. Сол күні Кеңес әскерлері Ауған жерінен түгелдей шығарылып бітті.
Құсман Бегалинов – Ауған соғысына қатысушы:
– Соғыс оңай болған жоқ. Қаншама отандасымыз сұрапыл соғыс даласында қаза тапты.
Қарулы ұрыста 46 солтүстікқазақстандық жауынгер қаза тапса, дәл соншасы елге мүгедек болып оралған. Қазір Ауған соғысында от кешкен 700-ге жуық жерлесіміздің көзі тірі.
Култанов Байболат