Жанат Сақтенов – СҚО ІІД кәсіби және психологиялық даярлықты ұйымдастыру бөлімінің бастығы:
– Жарысқа облыстық ішкі істер және төтенше жағдайлар департаменттері, қалалық ішкі істер басқармасының қызметкерлері қатысуда. Сондай-ақ, ауданнан келген құрамалар да бар. Барлығының да жоғары дайындықпен келгендері байқалып тұр.
Жаслан Хұсайынов бүгінгі белдесуге зор дайындықпен келген. Жыл сайынғы өткізілетін бұл шарадан ол қалыс қалған емес. 1-ші разрядты палуан былтыр 3-ші орынды иеленті. Бұл жақсы көрсеткіш жұмыстан тыс спортпен шұғылданудың арқасы дейді полиция қызметкері.
Жаслан Хұсайынов – учаскелік полиция инспекторы, Ақжар ауданы:
– Жұмыстан тыс спортпен шұғылданамын. Аптасына 3 рет жаттығуға барамын.
Жарысқа облыстық, қалалық және аудандық 18 команда жасақталған. Барлығы да жүлделі орыннан дәмелі.
Алтынбек Қамытаяқов – учаскелік полиция инспекторы, Жамбыл ауданы:
– Жыл сайын қатысамыз. Жүлделі орынға ие боламыз. Бүгін де марапатпен кететінімізге сенімдімін.
Жеңімпаздар мақтау қағаздарымен марапатталды.
Айгерим Ержанова