Облыс орталығында Белорусь мәдениетінің фестивалі өтті

Мәдениет

13:09 30 Қазан 2015

Ал, жалпы аймақта 6 мыңға жуық белорусь ұлтының өкілі тұрады. Бүгінгі байқауда олар өз мәдениеті мен дәстүрін таныстырып, өнерлерін ортаға салуда. Айту керек, шараға Қызылжар ауданынан “Кали Ласка” белорусь этнобірлестігі арнайы келген. Биыл бұл ұйымның құрылғанына 10 жыл толып отыр. Этнобірлестік мүшелері туған тілдерінде ән салып, ұлттық билерін көрермендер назарына ұсынды. Сондай-ақ, мұнда сөрелерге белорусь ұлты жайлы кеңінен мағлұмат беретін тарихи-танымдық кітаптар жайғастырылған. Ал, кіре берістегі қолөнер бұйымдарының көрмесі жұршылықтың назарын ерекше аударды. Белорусь халқында Киев Русі кезінен тоқыма тоқу жақсы дамыған көрінеді. Негізінен, ұлттық бұйымдары сабаннан жасалады екен. Бірақ, қалада ол өсімдікке қол жеткізу қиын болғандықтан, қолөнерші апалы-сіңлілер – Нина мен Лилия Кузнецовалар жұмыстарына тоқыма жіпті пайдаланыпты. Осылайша, белорусь халқы мәдениетінің ерекшелігін жұршылыққа көрсетуді көздедік дейді бүгінгі кешті ұйымдастыруға ұйтқы болған “Радзіма” белорусь мәдени орталығының жетекшісі Мария Татаренко.

Мария Татаренко, “Радзіма” белорусь этномәдени орталығының жетекшісі:

– Кезінде Белоруссия Польшаның, Украинаның, Ресей империясының құрамында болды. Бүгінде мәдениетіміз бен өнеріміздің, тіліміздің ұқсас болуы соның нәтижесі болар. Сондықтан, бүгін сахнада тек өз өнерімізді ғана емес, бауырлас халықтардың, өзге де ұлт өкілдерінің мәдениеті көрініс тапқанын жөн деп таптық. Қазір Петропавлда біз өз тілімізді дамытып, өнерімізді танытуға мол мүмкіндік алып отырмыз. Оған дәлел – №17-ші ұлттық өркендеу орта мектеп-кешенінде белорусь сыныбының ашылуы.

Акбопе Танирберген

Бұдан әрі оқыңыз

Университет қабырғасында неміс мәдениеті күндері өтуде
Шоқан Уәлихановқа арналған көрме қанат жайды
Бейімбет Майлиннің туғанына – 125 жыл
“Күдер” ансамблі Дубайда халықаралық байқаудың жеңімпазы атанды
Петропавлда облыстық “Абай оқулары” өтті
Соғыс және еңбек ардагерлерінің халық академиялық хорына – 35 жыл
“Туған жерім – Қазақстаным” атты поэзиялық байқау өтті
Италияндық музыканттың жеке шығармашылық кеші өтті
Петропавлда америкалық әнші Рональд Бейкер концерт берді
Н.Погодин атындағы облыстық орыс драма театры жаңа маусымын ашты
“Жыл мезгілдері” атты көрме қанат жайды
НЗМ оқушылары халықаралық би байқауында үздік атанды