“Балалар – түнгі қалада” жедел-алдын алу шарасы аяқталды

Құқық қорғау органдары

14:33 21 Қыркүйек 2015

Полицейлер жасөспірім қызды дереу үйіне апарып әке-шешесінің қолына тапсырды. Нәзікжандының бұрын да осыған ұқсас құқықбұзушылық жасағанына байланысты ата-анасының атына хаттама толтырылды. Егер бір жылдың ішінде бұл жағдай тағы да қайталанса
заң бойынша 15 айлық есептік көрсеткіш көлемінде айыппұл тағайындалатын болады.

Эльмира Абушева – Петропавл қалалық ІІБ ювеналдық полиция инспекторы:

-Рейд нәтижесінде кәмелетке толмаған қыз баланың түнгі уақытта заңды тұлғалардың ертуінсіз көше кезіп жүргені анықталды. Оның ата-анасына ҚР әкімшілік құқықбұзушылық туралы кодекстің 442-бабы бойынша хаттама толтырылды. Енді бұл құжат процессуалдық шешім шығару үшін сотқа жіберіледі.

Жалпы өңірде жедел-алдын алу шарасы басталғалы кәмелетке толмаған 216 бала облыстық ішкі істер органдарына жеткізілген. Оның 102-сі әкімшілік құқық бұзған. Жалпы, Ішкі істер органдары қызметкерлерінің мәлімдеуінше есепке алынған 70 жасөспірімнің 59-ы аз қамтылған отбасылардан шыққан.

Рашида Тілеубаева – Петропавл қаласы әкімдігі жанындағы кәмелетке толмағандардың істері және олардың құқықтарын қорғау жөніндегі комиссия хатшысы:

-Аталған шараға жасөспірімдер арасындағы құқықбұзушылықтың алдын алуға мемлекеттік орган қызметкерлері де қатысуда. Олардың қатарында білім бөлімі, әр түрлі мемелекеттік органдар мен кәмелетке толмағандар ісі жөніндегі комиссия өкілдері бар.

Мұндай жедел-алдын алу шаралары алдағы уақытта да жалғасын табады.

Акбопе Танирберген

Бұдан әрі оқыңыз

Петропавлда жол-көлік оқиғасы болды
Петропавлда жол-көлік оқиғасы орын алды
Көші-қон қызметі тұрғындардың сауалдарына жауап берді
18 мамыр – Халықаралық музей күні
59 тонна бидай ұрланған
Полицейлер балаларға жолда жүру ережелерін түсіндірді
Тәртіп сақшылар профилақтикалық іс-шара жүргізуде
Полиция қызметінен сыр шертетін жәдігерлер
Тәртіп сақшылары жергілікті автоклуб мүшелерімен кездесті
Өңір полицейлері жыл басынан бері 70 есірткі қылмысын ашты
Жазасын шартты түрде өтеп жүрген көпбалалы жандарға көмек көрсетілді
Электросамокатты пайдалану ережелері