Осы жерде әркім уақытын тиімді өткізіп, өнерін жұртшылыққа таныта алады. Бір сөзбен айтқанда, тұрғындар жазғы алаңның ашылғанына риясыз куанышты.
– Жанұямен бірге келіп демалып тұрамыз.
– Сүйікті әндерімізді шырқаймыз, би билеп көңіл көтереміз.
Аман Керейбаев мұндай кештердің ұйымдастырылуы жастардың бір-бірімен танысуына сеп болады әрі жасы келген адамдардың денсаулығына оң әсерін тигізеді дейді.
Аман Керейбаев, қала тұрғыны:
-Жұмыстан соң шығып осы жерде қыдырамыз. Жас болған соң қыздармен танысамын.
Бірінші күннің өзінде-ақ, алаңда ерекше мерекелік атмосфера орнады. Тұрғындар облыстық филармония ұжымының өнерін тамашалады, олармен қосыла ән шырқап, би билеп бір марқайып қалды.
Николай Колокольчиков, облыстық филармонияның солисі, ҚР Мәдениет қайраткері:
-Бұл алаңның ашылғаны бәріне жақсы. Адамдар бір-бірімен жиірек араласатын болады. Ал облыстық филармония ұжымы аптасына 3 рет осы жерге келіп, тұрғындарға сағат кешкі 7-ден 21-00-ге дейін ретро және заманауи әндер шырқайды.
Караокемен ән айтып би билеуге арналған жазғы алаңқай әр аптаның жұма, сенбі және жексенбі күндері суық түскенше жұмыс істемек.
Берик Касен