45 солтүстікқазақстандық ер жігіт әскерге аттанды

МТРА жаңалықтары

14:48 18 Мамыр 2015

Қаз-қатарынан сап түзеген тепсе темір үзердей 45 ер жігіт Отан алдындағы борышын өтеуге Жамбыл облысы Отар бекетіндегі 30/212 әскери бөліміне аттанады. Бұл биылғы көктемдегі әскерге шақырушылардың 6-шы легі. Жалпы СҚО Қорғаныс істері жөніндегі департаменті бұл науқанда 700 сарбазды азаматтық парызын өтеуге жібермек.

Мұқанов Мақсат – СҚО Қорғаныс істері жөніндегі департаменті бастығының орынбасары

– Былтыр әскерге жіберілген сарбаздардың саны 600-ден астам еді. Қазір бұл көрсеткіш жыл сайын өсіп келеді.

Отан алдындағы борышын өтеуге аттанғалы тұрған жігіттердің қатарында Айбатыр Қожахметовта бар. 24 жастағы болашақ сарбаз әскери комиссариатқа өз еркімен келіпті. Замандастарына үлгі болған Айбатыр қарулы күштер қатарында әскери міндетімді өтеуге даярмын дейді.

Айбатыр Қожахметов – әскерге шақырылушы

– Бүгін біз үшін қуанышты күн. Барлығымыз Отан алдындағы борышымызды өтеуге аттанғалы тұрмыз. Бұл біздің азаматтық парызымыз. Барлық жігіттерге әскерге сәтті барып келулерін тілеймін.

Айбатырдың анасы Дина Қожахметова өз ұлы үшін, қуанып, ақ жол тілеуде.

Дина Қожахметова – Айбатыр Қожахметовтың анасы
– Мен әскерге шақырылушыларға сәттілік тілеймін. Ұлым үшін қуаныштымын. Әскерге барып, аман-есен елге оралсын.

Жігіттерді әскерге шығарып салу рәсімі 66/37 әскери бөлімі сарбаздарының қоян-қолтық ұрысты көрнекі орындауларымен жалғасты.

Риат Шони.


Бұдан әрі оқыңыз

Сот саласын реформалау көзделіп отыр
Әлеуметтік маңызы бар азық-түлікті арзанға қайдан табуға болады?
Тимирязев ауданында су таратушы желілер жөнделуде
Кәсіподақ қозғалысы ардагерлерінің аллеясы 11 шыршамен толықты
Жолаушы такси жүргізушісін ұрған
Өңірде ресейлік дәрігерлер қабылдау өткізуде
Петропавлда қазіргі уақытта 3 көше жөнделіп жатыр
Праймериз қатысушыларына үгіт-насихат жүргізуге тыйым салынады
18 қабатты үй кімдерге беріледі
Тәртіп сақшылары қылмыстық-атқару жүйесінің ардагерлерін мерекемен құттықтады
“Масло-Дел” серіктестігі жаңа желіні іске қоспақ
Ұжымдық келісім шарт жасасудың тиімділігі