Аман Қабдөшев – СҚО энергетика және тұрғын-үй коммуналдық шаруашылығы басқармасы басшысының орынбасары
– Біз құрылыс материалдары мен азық-түлік тауарларын апара жатырмыз. Ол күріш, қарақұмық, ұн және картоп. Топан судан зардап шеккендерге жерлестеріміз бей-жай қарамай, қайғыларына ортақтасып жатыр. Мұның өзі оларға демеу.
“Жұмыла көтерген жүк жеңіл” дегендей, ақмолалықтардың қайғысына Аққайың ауданының тұрғындары да ортақтасуда. Олар барлығы 20 тоннадай азық-түлік өнімін жинап берген. Ішінде 14 тонна картоп, 200 литр өсімдік майы, 100 келі күріш пен 6 куб метр құрылыс материалдарын тиепті.
Еркін Жакупов – Аққайың ауданы әкімінің орынбасары
– Тауардың жалпы құны 1 млн. 583 мың теңге. Ешбірі де бей-жай қарамады, қайғыларына ортақтасып, қолынан келгенше қолда барын берді. Әсіресе, “Тәжірибе станциясы” ЖШС-і, “Зенченко и К” КС мен өзге де селолық округ әкімдері өз үлесін қосты.
Бұған дейін, теріскейліктер гуманитарлық көмек ретінде қызыл судан зардап шеккен Қарағанды облысының тұрғындарына да жәрдемдескен болатын.
Бакыт Садуакасов.