Жастар бүгін сол қоқыстың барлығын жинап, орманды тазартуда. Пестрое көлінің жағасы да біраз ластанған. Сондықтан, қолдарына қолғап киіп, қап ұстаған студенттер сынған ағаш бұтақтарын, бөтелке, пакеттерді жинастырып жүр. Табиғат – біздің ортақ үйіміз, сол себепті оның ластануына жол бермеу қажет дейді олар.
Гүлден Қанатчина – студент.
-Бүгін міне тоғайларды жинап жатырмыз.
Лейла Олжанова – студент.
-Тұрғындар табиғатта дем алып жинамай кетеді. Сондықтан, жинауға шықтық.
Сенбілікке 80-нен астам петропавлдық жас қатысуда. Ал қапқа жиналған қоқыс арнайы көлікке тиелуде. Жалпы бұл шара облыстық табиғи ресурстар және табиғатты пайдалануды реттеу басқармасымен бірлесіп өткізілуде.
Нұрсаят Саркен – Жастар бастамалары орталығының директоры.
-Әдейі осы Пестрое көлінің маңы таңдалды. Өйткені, бұл жерде көп адамдар демалады. Сондықтан, осында шықтық.
Бұдан кейін студенттерге арналып түрлі ойындар ұйымдастырылды.
Мағжан Ахмадина.