Ал, Ауған соғысының ардагері Қосман Бегалинов шайқаста барлаушы қызметін атқарған. Әрі ол сол кезде Ұлттық қауіпсіздік комитетінің подполковнигі болды. Кеудесінде 10-нан астам орден-медалы бар. Мұны жауынгер Отанды қорғаудағы, ұлттық қауіпсіздікті қамтамасыз етудегі үлесі үшін алған.
Қосман Бегалинов, Ауған соғысының ардагері.
-Еліміздің тәуелсіздігін сақтап тұру үшін кейінгі ұрпақ саналы, физикалық тұрғыдан мықты болуы қажет. Оларға осы бастап ерлік, абырой деген ұғымдарды терең ұғындыру керек.
№42 орта мектептің мұғалімдері мен оқушылары жауынгерлерге арнап шағын концерт ұйымдастырды. Осы жерде аға буын өкілдері майдан даласында басынан өткерген қиыншылықтары мен жеңіске қалай жеткенін жастарға баяндап берді.
Айбар Имамбек, оқушы.
-Жеңісті жақындатып, бізге бейбіт өмір сыйлаған аталарымызға алғысымды айтамын.
Мектептегі шараға бір Ұлы Отан соғысының ардагері мен Ауған соғысының 5 ардагері қатысты.
Берик Касен.