Бақыт Сәдуақасов – тілші.
-Бұл – “Петропавл құрылыс материалдары зауыты” жауапкершілігі шектеулі серіктестігінің сэндвич-панельдер жасайтын арнайы цехы. Мұнда шамамен алғанда күніне 25 шақты “сэндвич-панель” жасап шығарылады. Олардың әрқайсысын жасауға жарты сағаттай уақыт кетеді екен.
Максим Сиренконың осы кәсіпорында еңбек етіп жүргеніне 6 жылдай болған. Алғашында қызметін қатардағы жұмысшыдан бастаған ол қазірде серіктестіктің осы цехына жетекшілік етеді. Оның міндеті – дайын өнімдердің сапасын бақылап, кемшіл тұстары болса, қайта өңдеуге жіберу.
Максим Сиренко – “Петропавл құрылыс материалдары зауыты” ЖШС цех басшысы.
-Бастапқыда қиыналдым. Өйткені, менің арнайы білімім болған жоқ. Кейін біртіндеп, осы саланы мықтап меңгеріп алдым. Қазір бірнеше жыл жинақтаған тәжірибем бар. Жас мамандарды үйретуге жалықпаймын.
Құрылыс материалдары нарығындағы сұранысты саралай отырып, зауыт су қысымына шыдас беретін полиэтилен құбырларын, “Монтеррей” және “Каскад” металл жабындыларын, профилен төсенділерін, сэндвич-панельдерін де шығарады. Саннан гөрі сапаға баса мән беретін серіктестіктің өнімдеріне сұраныс та жоғары.
Андрей Титов – “Петропавл құрылыс материалдары зауыты” ЖШС бас директорының орынбасары.
-Елімізде құрылыс индустриясы өркендеп, қанат жайып келеді. Біз өнімдерімізді ішкі нарықпен шектелмей, осы заманғы бәсекеге ыңғайлана отырып алыс-жақын шетелдерге жөнелтуді мақсат етіп отырмыз. Өнімімізді негізінен біздің облыс пен Астана қаласының кәсіпорындары тұтынады. Сондай-ақ ресейліктердің үлесі бар.
Облыс орталығындағы алпауыт өндіріс орны құрылыс материалдарының тиімді және экологиялық таза заманауи үлгілерін шығаруда.
Бахыт Садуакасов.