Оған қоса жасөспірімдердің назарына неміс овчаркасы Круздыңда шеберлігі көрсетілді. Бұл төрт аяқты аса қауіпті қылмыскерді ұстау бойынша ондаған операцияға қатысқан екен.
Тәртіп сақшылары ұйымдастырған мұндай экскурсия оқушылардың көңілінен шықты.
– Маған барлығы ұнады. Бізге иттерді қалай үйрететінін көрсетті.
– Иттердің қылмескерді ұстағаны көңілімнен шықты. Өте тартымды болды.
– Адамның төрт аяқты досы ең мықты қорғаушылар. Олар иісті тез сезеді.
Күнделікті өмірін қылмыскерлермен күресуде өткізетін полицейлерге оқушылар өздерінің көкейінде жүрген сұрақтарын қойып, көңіл көншітерлік жауаптарын ала алды.
Николай Бойко – СҚО ІІД кинологиялық орталық қызметкері
– Балаларға әрдайым барлығы қызық. Олар біз атқарып жатқан қиын жұмысты алғаш рет көріп, түрлі сұрақтар қояды. Әрине, барлық іс-әрекетті көрсету мүмкін емес. Дегенмен де, қолымыздан келгенін көрсетіп, жіті таныстырдық.
Тәртіп сақшылары мектеп оқушыларының күзгі демалысы аяқталғанға дейін атты полицияның жұмысымен таныстыруды жоспарлап отыр.
Риат Шони.