Евгений Иванов – «Көп профильді жабдықтар зауыты» ЖШС темір жонғыш станогының операторы.
– Мен зауытқа 2000- шы жылдары келген едім. Ол кезде станоктырдың барлығы ескі болатын. Ал мына жаңа қондырғыны меңгеру үшін жарты жылға жуық уақыт жұмсадым. Қазір күніне 100-ге тарта бөлшекті ешкімнің көмегінсіз өзім жасай беремін. Барлығы автоматтандырылған. Тек қажетті бағдарламаны таңдасаң болғаны.
Бүгінгі күні зауытта 250-ге жуық азамат, үш ауысымда еңбек етеді. Жұмысшылардың басым бөлігін жастар құрап отыр. Айта кету керек нақ осы цехта мұнай ұңғымасын бұрғылауға арналған құрылғыға қажетті 1000-ға тарта бөлшек түрі әзірленеді. Соңғы екі жыл уақыт ішінде кәсіпорынға бес бірдей жаңа станок орнатылған. Заман талабына сай қондырғылар өнімді тез, әрі сапалы жасауға мүмкіндік беріп отыр.
Сергей Федосеев – «Көп профильді жабдықтар зауыты» ЖШС директоры.
– Өкінішке орай былтырғы жылмен салыстырғанда зауыт өнімі 5-6 пайызға төмендеді. Оған уранға деген бағаның төмендеп кеткені кері әсерін тигізіп отыр. Мәселен 2013 жылы біз тек Өзбекстанға 1 миллион АҚШ долларының тапсырысын орындадық.
Қазіргі таңда зауыт өнімдеріне сұраныс жоқ емес, бар. Дайын болған өнім Ресей Федерациясының бірнеше облыстарына экспортталады.
Сергей Федосеев – «Көп профильді жабдықтар зауыты» ЖШС директоры.
– Былтырғы жылдан бастап біз Ресейдің Қорған, Түмен облыстарымен әріптестік орнаттық. Осының арқасында біз олардан 140 миллион теңгенің тапсырысын қабылдадық. Енді алдағы уақытта Омбы өңірімен қарым – қатынас орнатуды жоспарлап отырмыз.
Зауыт болашақта мұнай-газ саласына қажетті қондырғыларды да жасап шығаруды жоспарлап отыр.
Джакупов Самат.