“ҚР зейнетақы жүйесін жетілдіру” тақырыбына арналған семинар

Қоғам

15:30 23 Шілде 2014

Данияр Маекенов – “БЖЗҚ” АҚ СҚОФ сервис орталығының меңгерушісі

– Қазақстан Республикасы бойынша салымшылардың саны 8 млн-нан астам адамды құрайды. Жинақтардың саны 4 трлн. теңгеден асты. Солтүстік Қазақстан облысы бойынша салымшылардың саны 300 мыңнан асты. Жинақтарға келсек, 100 млрд. теңгеден асты.

Өзгерістердің бірі базалық зейнетақыға қатысты. Мәселен, бүгінде оның көлемі бәріне бірдей, яғни – 10 мың 450 теңге немесе күнкөріс минимумының тең жартысын құрайды. Енді, 2017 жылдың 1-ші шілдесінен базалық зейнетақы төлемдері еңбек өтілімен сай тағайындалмақ.

Арай Нұғыманова – СҚО бойынша бақылау және әлеуметтік қорғау департаменті басшысының орынбасары

– Мысалы, 10 жыл еңбек өтілі болса базалық зейнетақы төлемі күнкөріс минимумының 50 пайызын құрайтын болады. Ал, әр 10 жылдың үстіне әр жыл үшін 2 пайыздан қосылатын болады.

Егер азамат 35 жыл еңбек етсе оның алатын базалық зейнетақысы күнкөріс деңгейінің ең төменгі шамасының 100 пайызын құрамақ. Зейнетақыға байланысты тағы бір өзгерістердің бірі осы жылдың 1-ші қаңтарынан күшіне енді. Мәселен, бала күтіміне байланысты табысын жоғалтқан әйел адамдар үшін бюджеттік субсидиялау енгізілді.

Арай Нұғыманова – СҚО бойынша бақылау және әлеуметтік қорғау департаменті басшысының орынбасары

– Мысалы, әйел адамның орташа табысы 50 мың болса оған тағайындалатын әлеуметтік төлемнің сомасы 20 мың болады. Мысалы, бюджеттік субсидия – ол табысын жоғалтпай жұмыс істейтін болса, сол 50 мың теңгенің 5 мыңы – 10 пайызы зейнетақы аударымы болып аударылатын, соның айырмасы – 3 мың теңгесі республикалық бюджеттен 1 жасқа дейін субсидияланатын болады.

Бұл ананың декреттік демалыста болған кезінде зейнетақы аударымдарының үзілмеуін қамтамасыз етпек. Тек 1 жыл көлемінде. Өйткені, заң бойынша әлеуметтік төлем бала 1 жасқа толғанға дейін беріледі.
Бүгінгі жиын – бүкіл ел көлемінде өтетін ауқымды түсіндіру жұмыстарының бір шарасы. Барлығы Солтүстік Қазақстан облысы бойынша 5 ауданда осындай кездесулер ұйымдастырылмақ.

Данаш Хамзина.

Бұдан әрі оқыңыз

Үлгілі отбасы
Масаға қарсы дезинсекциялау жұмыстары жүргізіліп жатыр
Бәйтерек ауылының тұрғыны соңғы қоңырау салтанатын үйінде ұйымдастырған
Біз біргеміз: СҚО Мақтаарал ауданына гуманитарлық көмек жөнелтті
Петропавлда тегін автотұрақтар салына бастады
Бүгін – қасиетті Қадір түні
Жеке сектор тұрғындары қоқыс шығару қызметі үшін төлем жасауға міндеттелуде
“Жасыл ел” жасағы кезекті маусымын бастады
Карантин кезінде көрсетілген қаржылай көмек көлемі
ҚХА көпбалалы отбасыларға тарту жасады
«Таза жағалау» акциясы мәресіне жетті
Жазасын өтеушілер туғандарымен видеобайланысқа шығуда