«Гүлдер» ән-би ансамблі теріскейге келді

Қоғам

14:50 6 Шілде 2014

Бақтияр Тайлақбаев, “Гүлдер ән-би ансамблінің директоры, Қазақстанға еңбегі сіңген әртісі, “Құрмет” орденінің иегері

– Тұрғындарға мерейтойлық есеп концертімен солтүстік өңірдің аудандарын түгелімен аралап шықтық. Халық орнынан тұрып, ұзақ қол шапалақпен шығарып салды.

Осыншама жылдар ішінде қаншама өнерпаздың өнер әлеміндегі қадамына нұр жаудырып, шығармашылық шыңына алтын баспалдақтар салып берген “Гүлдер” – нағыз кәсіби, тәжірибесі то­лысқан ұжым. Гүлдер ансамблінен талай өнер тарландары: Сара Тыныштығұлова, Қайрат Байбосынов, Қапаш Құлышева, Роза Рымбаева, Нағима Есқалиева, Мақпал Жүнісова, Бақтияр Тайлақбаев сынды тағы да басқа танымал әншілер қанаттанған.

Бақтияр Тайлақбаев жылдар өткен сайын халықтың әншілерге, орындалатын әнге деген талабы да артып келеді, сол үдеден шығу үшін алда аянбай еңбек сіңіру қажет дейді.

Бақтияр Тайлақбаев, “Гүлдер ән-би ансамблінің директоры, Қазақстанға еңбегі сіңген әртісі, “Құрмет” орденінің иегері

–  Біз әлі алда Қызылорда қаласы мен Маңғыстау облыстарын аралаймыз. Репертуарымызға жаңа билер қосамыз.

“Гүлдер” – жоғары мәдениетті, әншілік кәсіби мектеп. Жастықтың, әсемдіктің, сұлулулықтың көрінісіндей әншілеріміз, мың бұралған бишілеріміз өз өнерлерін осы ұжымда дамытып, халықтың ілтипатына бөленіп жүр.

Айбек Мұхаметалиев, “Гүлдер” ән-би ансамблінің әншісі

– Елбасымыз солтүстік өңір еліміздің тірегі деген. Сол рас. Мен барлық теріскейліктерді айлардың сұлтаны рамазан айымен және Астананың туған күнімен құттықтаймын.

Сахына төрінде би ансамблінің ару қыздары би­ле­ген “Алтын дом­быра”, “Сылқылдақ”, “Шолпы”, “Шығыс колейдосокпы”, өзбек билері мен “Сұңқар” то­бының сері жігіттері салған әндері көрер­мен қауымды бір серпілтіп тастады.

–  “Гүлдер” би ансамблі жастық шағымызды есімізге түсірді. Ұжымға мол табыс тілейміз.

Солтүстік өңірдің шалғайда жатқан аудандарына табан тіреген өнер ұжы­мына облыс әкімі Ерік Сұлтанов халықтың атынан ризашылығын білідіріп, ансамблге алғыс хатын табыстады.

Берик Касен

Бұдан әрі оқыңыз

Тұрғындарға биыл “Еңбек” бағдарламасы бойынша 520 млн теңге берілген
Карантин кезінде көрсетілген қаржылай көмек көлемі
Балабақшалар келушілерді қайта қабылдайды
Жазасын өтеушілер туғандарымен видеобайланысқа шығуда
Бүгін – қасиетті Қадір түні
Жыл басынан өлкеге 156 отбасы қоныс аударған
Облыс орталығындағы ескі зираттар қоқыстан тазартылып жатыр
Петропавлда тегін автотұрақтар салына бастады
Біз біргеміз: СҚО Мақтаарал ауданына гуманитарлық көмек жөнелтті
Вера Яворская: баланы тарихқа баулып өсіру керек
ХҚКО-да қызметтердің 660-қа жуығы онлайн режимде көрсетіледі
Қаланы көркейту жұмыстары