Кәсіпорындар қоршаған ортаға залал келтірген

Қоғам

15:31 2 Шілде 2014

Вячеслав Банковский, СҚО мамандандырылған табиғатты қорғау прокуратурасының прокуроры.

-Петропавл қаласы әкімдігінің «Тазарту, су бұру және су өткізу құрылымдары» МКК кәріздік жүйе, сорғылау стансалары мен тазалау қондырғыларындағы ағынды суларын “Омутки” көліне құятын. Бірақ аталмыш көлдегі апаттық жағдайдағы бөгет сыр беріп, қалдық сулар Есіл өзеніне ағып кеткен. Нәтижесінде зертханалық сараптама көрсеткендей, су қоймасындағы фосфат концентратының мөлшері бекітілген нормативтен 2,36 есеге асып кеткен. Салдарынан қоршаған ортаға 1 млн. теңгеден астам шығын келді.

Санитарлық-эпидимиологиялық зертханалық жұмыстың қорытындысы бойынша Есіл өзенінде аммонийдің мөлшері 5,9 есе, темірдің мөлшері 1,07 есеге көп болып шықты.

Вячеслав Банковский, СҚО мамандандырылған табиғатты қорғау прокуратурасының прокуроры.

-Жалпы құзырлы органдар тексерісінің қорытындысы бойынша табиғатты қорғау заңнамасына сәйкес 6 қаулы шығарылды. “Қызылжар су” серіктестігі мен «Тазарту, су бұру және су өткізу құрылымдары» кәсіпорындары қоршаған ортаға 6,5 млн. теңгенің шығынын толтыруға міндеттелді.

Табиғатты қорғау прокурорлары жыл басынан бері өңірде 14 экологиялық тексеріс өткізген. Нәтижесінде 270 заңбұзушылық тіркеліп, 60 адам жауапқа тартылды. Олардан қоршаған ортаға келтірілген шығын ретінде 11 млн. теңгеден астам әкімішілік айыппұл өндіріліп алынды.

Берик Касен.

Бұдан әрі оқыңыз

Петропавлда “Жасыл кеңсе” конкурсына арналған тренинг өтті
Карантин кезінде 4 мыңнан астам солтүстікқазақстандық жұмыссыз қалған
Елде электр энергиясы қымбаттады
Петропавлда ағаштарды заңсыз кесу фактісі тіркелді
Жолақы әзірге өспейді
Өңірдің іскер әйелдері жұмыстарын қорытындылады
Облыстық кітапханада “Туған жер” өлкетану интернет-порталы әзірленді
500 петропавлдық ыстық сусыз және жылусыз қалды
Биыл Петропавлда тегін 45 автотұрақ салынды
М.Жұмабаев ауданында 11 әлеуметтік нысан биоотынмен жылытылады
2-ші ЖЭО-ында жаңғырту жұмыстары жүріп жатыр
СҚО-да “Бастау” жобасының соңғы легі бастау алды