Солтүстікқазақстандық оқушылардың жобасы АҚШ-та өткен ғылыми байқауда үшінші орынға ие болды

Білім

13:42 20 Мамыр 2014

Не ексең, соны оратының белгілі. Аграрлық өңірдің шаруаларын мазалайтыны – сапалы өнім алу. Өңір оқушылары бұл мақсатқа жетудің жолын тапқандай. Ол үшін қажетті қымбат тыңайтқышты алыстан арбалаудың қажеті жоқ болуы ықтимал. Өлке табиғатында көптеп кезігетін органикалық балшық сапрапель топырақтың құнарлылығын арттырудың кепілі екен. Бұны облыстық дарынды балаларға мамандандырылған қазақ-түрік мектеп-лицей-интернатының оқушылары дәлелдеді.

Апалы-сіңлілі Динара мен Мадина Жұмағалиевалардың зерттеулері шетелдік мамандардың қызығушылығын тудырды. Бірлескен жобаны 11 сынып оқушылары АҚШ-та өткен жас ғалымдар байқауында сәтті қорғап шықты. Тақырып – көптеген елдерде басымдық берілген “Жасыл экономика саясаты”. Қазылар алқасы жергілікті өнертапқыштардың жұмысы үздік үштікті қорытындылауға лайық деп тапқан. Өміршең жобаға М. Қозыбаев атындағы СҚМУ ғылыми қызметкері Наталья Белецкая жетекшілік етіпті. Сабақтарын кілең “беске” оқып жүрген биылдың үздік түлектері бастамаларын аяқсыз қалдырмауға ниетті. Олар болашақта ЖОО түсіп табиғи тыңайтқышты аграрлық өңірдің дәнді дақылдарына қосып, диқандардың еңбек өнімділігін арттыруға септесеміз дейді. Жергілікті органикалық зат жақыннан дорбалағаннан бұрын еш өңдеуді қажет етпейтіндігімен құнды.

Жеңіс Ермұқанов

Бұдан әрі оқыңыз

Оқушылар “Жас ұлан” ұйымына қабылданды
Техникалық маман иелерінің үздігі анықталды
Химия-биология бағытындағы НЗМ-де ашық есік күні өтті
Жергілікті жастар кәсіби шеберлік сайысынан үш жүлдемен оралды
Пәнаралық олимпиаданың қалалық кезеңі өтуде
“Адал ұрпақ” клубтарының белсенділері бас қосты
Өңір колледждерінде парасаттылық пен адалдық сағаты өтті
49 студент шетелде өткен өндірістік тәжірибеден оралды
Химия-биология бағытындағы НЗМ аккредитациядан өтті