«Көршілер бақылауы» бағдарламасына сенім артып келеді

Құқық қорғау органдары

15:21 16 Сәуір 2014

Әуезов көшесі бойындағы жеке сектордағы үйлердің бірінде тұратын азамат көршілері үй маңына қоқыс шаша беретіндігін айтып шағымданған. Петропавлдық өз мұңын «Көршілер бақылауы» бағдарламасының сенім телефонына хабарлаған. Оқиға орнына жеткен полицейлер маңайды ластап жүрген жүгенсіздермен кездесіп, бұл үшін әкімшілік жауапкершіліктің қарастырылғандығын жеткізді.

Ал Виктор Жильцов тұратын үйдің ауласында бір ай бұрын ұрлық орын алған. Ол жайында тұрғындар бірден көршілер бақылауының телефонына хабарлаған көрінеді. Көп ұзамай баукеспе қолға түсіпті.

Виктор Жильцов:

– «Көршілер бақылауы» бағдарламасының пайда болуымен ауламызда көптеп қаптап жүретін күдікті адамдардың қарасы қазір көрінбейтін болды. Олар мүмкін қорқатын шығар. Құқық қорғаушылар жылдам келеді.

Жыл басынан бері жобаның сенім телефонына 120-дан астам солтүстікқазақстандық хабарласқан. Тәртіп сақшылары 40 заңбұзушылықты анықтап, 2 қылмыстың бетін ашыпты.

Асылтас Жаңабеков, Петропавл қалалық ІІБ учаскелік инспекторы:

– «Көршілер бақылауы» бағдарламасы 2011 жылдың тамыз айынан бастап жұмыс атқаруда. Күніне 8-9 қоңырау келіп түседі.

Құқықбұзушылықтар жөнінде 61-20-02 телефонына қоңырау шалуға болады.

Мағжан Ахмадина

Бұдан әрі оқыңыз

Заманауи бейнекамералардың көмегімен 1 мыңнан аса құқықбұзушылық анықталды
Петропавлда қомақты көлемде ақша ұрлаған ұры ұсталды
СҚО-да ірі көлемде марихуана тәркіленді
Жыл басынан бері өңірде 4 адам пойыз астына түсіп, мерт болған
Қоғамдық тамақтану орындарының жұмысы – қатаң бақылауда
Полицейлер тұрғынға ұрланған автокөлігін тауып берді
Автобустар мен сауда орындарындағы ереженің еленуі тексерілді
Петропавлда металл ұрлағандар анықталды
Петропавлда жол-көлік апаты орын алды
Полицейлер тұрғынға ұрланған велосипедін тауып берді
СҚО-да мас күйде көлік жүргізген 19 адам құрықталған
Биыл Петропавлда 183 интернет-алаяқтық фактісі тіркелген