Солтүстікқазақстандық боксшы Азат Илюбаев Түркістан қаласында өткен халықаралық турнирде қола медальді еншіледі

Спорт

15:43 8 Сәуір 2014

Азат Илюбаевтың боксқа ден қойғанына 7 жыл болыпты. Ұзақ дайындықтар мен жаттығулар жемісін бермей қоймаған. Ол 64 келі салмақ дәрежесінде Оңтүстік Қазақстан облысы Түркістан қаласында өткен халықаралық жарыста қарсыластарын тізе бүктіріп, қола алқа тағынған. Тек шымкенттік былғары қолғап шеберіне есе жіберіп алыпты.

Азат Илюбаев, ҚР спорт шеберлігіне үміткер:

-Бұған дейін бірнеше ел және халықаралық жарысқа қатысқан болатынмын. Бұл сайыста 5 кездесу өткіздім. Олардың бесеуінде де қарсыластарымнан басым түстім. Жеткен жетістіктерім үшін өте қуаныштымын. Болашақта алтыннан алқа тағынсам ба деген арманым бар.

Халықаралық турнир – еліміздің әр өңірінен 160-тан астам боксшыны жинаған. Онда біздің елімізден бөлек Қырғыстан, Ресей, Өзбекстан мен Тәжікстаннан да спортшылар қолғап түйістірген екен. Азат үмітті ақтап, жаттықтырушылардың еңбегі жанды. Олар шәкірттерінің болашақта талай асуларды бағындыратынына сенімді. Сондай-ақ Ұлттық дәрежедегі төреші, ҚР спорт шебері Азамат Жақиянов  әділ төрешілік еткені үшін дипломмен марапатталыпты.

Жас спортшы осы жеңісімен шектеліп қалмақ емес. Қазір боксшы кезекті жаттығуларын бастап, алдағы жарыстарға дайындалу үстінде.

Бақыт Сәдуақасов

Бұдан әрі оқыңыз

Аға буын өкілдері мен мектеп оқушылары шахмат ойнады
«Qulager» хоккейшілері «Ertis» құрамасын тізе бүктірді
«Qulager» хоккейшілері өскемендік «Altai Torpedo» құрамасына есе жіберіп алды
Нұрқожа Қайпанов күміс медаль еншіледі
«Qulager» хоккейшілері теміртаулықтарға есе жіберіп алды
Жерлес футболшылар чемпион атанды
Өңірде жекпе-жектен облыстық турнир өтті
Палуандар жеке жаттығу базасына ие болды
Қарымта кездесуде құлагерліктер “Altai Torpedo”-дан жеңіліс тапты
Али Алиев маусымның үздік жаттықтырушысы деп танылды
Хоккейшілеріміз қарымта кездесуде басым түсті
“Құлагер” ХК “Бейбарыс” командасымен қос кездесу өткізді