Эпилепсия ауруына шалдыққан бүлдіршінге ота жасауға көмек қажет

Қоғам

15:30 27 Наурыз 2014

Әлихан Таласпайдың жасы не бары 4-те ғана. Бүлдіршінде эпилепсияның алғашқы белгілері 4 айлығында байқала бастапты. Қазіргі уақытта дерті асқынып барады. Жиі-жиі талып қалатыны бар. Бұл негізі мидағы кінәраттан туындайтын ауру. Сондықтан оған шұғыл түрде Германияның Фогтаройд қаласындағы емханада 2 апталық стационарлық тексерістен өтіп, әрі қарай емделу қажет. Ол үшін 90 мың еуро керек. Әлиханның әке-шешесі қарапайым жандар. Екеуінің тапқан қаражаты ем-домға қажетті сомаға жетпейді. Сондықтан қайырымды жандардың көмегіне жүгінуге мәжбүр. Әлиханға аз да болса көмек көрсету мақсатында өңіріміздегі “Жас Отан” ЖҚ белсенділері осы “Жарқын өмір сүр – жақсылық жаса”атты қайырымдылық кешті ұйымдастырып отыр.

Екатерина Старостина, “Жас Отан” ЖҚ белсендісі:

– Бұндай қайырымдылық кешті осымен 2-шы жыл қатарынан өткізіп отырмыз. Былтыр Лиза есімді кішкентай қызға көмек көрсеткенбіз. Енді, Әлиханға қол ұшын бермекпіз. Алдағы уақытта да біз бұндай қайырымдылық кештерін жиі өткізбекпіз. Одан жиналған қаражат ауру балалардың еміне жұмсалынатын болады.

Әлиханға көмек көрсетуге келгендердің дені жастар. Олар қайырымдылық кештің билеттерін 500 теңгеге сатып алып, тамшыдай болса көмектерін тигізді.

Әлихан дүние есігін ашқалы екі-ақ рет суретке түсіпті. Ол да болса 6-айлығында. Әкесінің айтуынша қаражат дер кезінде табылса, баласының құлан таза айығатынына германиялық дәрігерлер кепілдік беріпті.

Қайрымдылық концерттен бар-жоғы 60 мың теңге жиналды. Әлиханның отбасы қайырымды жандардың бұл істен сырттап қалмайтынына сенімді.

Бану Ахметова

Бұдан әрі оқыңыз

Қарттарға қамқорлық
Қалалық жатақханаларда рейд өткізілуде
Биыл жылудың тарифі өсуі мүмкін
Солтүстікқазақстандық кәсіпкер малды тірідей экспорттауға қарсы
Өңір ардагерлері жұмыстарын қорытындылады
17 кәсіпорынға индустриялдық сертификат берілді
“Солтүстік Қазақстан” облыстық қоғамдық-саяси газетіне – 100 жыл
Ерекше форматта жиын өтті
Пресновкада мемлекеттік бағдарлама аясында ашылған фитнес-клуб жұмыс істеуде
Өңірде “Біз біргеміз” атты акция өтуде
Мемлекеттік қызметтерді алу үрдісі жеңілдетілді
Қаңтардың 27-сі – Холокост құрбандарын еске алу күні