Наурыз мейрамы достықтың, татулық пен бірліктің нышаны. Жуанның жіңішкеріп, жіңішкенің үзілер шағында тойланатын бұл күнде кең дастархан жайып, наурыз көже дайындалады. Өңіріміздің құтқарушылары да осы дәстүрден ауытқымай, №1- ші өрт сөндіру бөлімінің маңында киіз үй тігіпті. Ал қазанда палау мен наурыз көже пісіріліп жатыр.
Әділбек Никибаев, СҚО ТЖД № 1 өрт сөндіру бөлімінің жүргізушісі:
-Наурыз бұл жақсы мейрам. Оны барлық түркі халықтары тойлайды. Наурызда дастархан бай болу керек. Сондықтан біз бүгін көже, палау дайындап жатырмыз.Мереке құтты болсын.
Бұл күні ән-жырдан шашу шашылып, мың бұралған бишілер көпшілікке өз өнерін көрсетіп жатты.
Құтқарушылар 8 құрамаға бөлініп, ұлттық спорт түрлерінен бақтарын сынады. Өрт сөндірушілер гір көтеру, арқан тарту, аударыспақ сынды бірнеше сайыста өнерлерін көрсетті.
Ринат Ілиясов, СҚО ТЖД Петропавл қаласы №4 өрт сөндіру бөлімінің бөлімше командирі:
-Қарсыластар мықты болды. Бірақ мен күштірек болдым. Бүгін мейрам өте қызықты өтіп жатыр.Ән айтылып, спорттық жарыстар ұйымдастырылды.
Спорттық жарыс жеңімпаздары грамота және естелік сыйлықтармен марапатталатын болады.
Мағжан Ахмадина