Жеткіншектер арасында боулингтен қалалық турнир өтті

Спорт

13:57 19 Наурыз 2014

15 жылдың ішінде “№1 Боулинг-Орталығы” қала тұрғындары үшін сүйікті демалыс орнына айналып үлгерді. Бұл спорт түріне деген қызығушылық көбеймесе, кеміген емес. Оған мектеп оқушылары арасында жиі ұйымдастырылатын міне, мынадай жарыстар дәлел. Ойын-сауық кешенінің әкімшілігі осылайша, жастар арасында салауатты өмір салтын қалыптастыруға белсенді түрде атсалысуда.

Ботагөз Жүнісова, “№1 Боулинг-Орталығы” ойын-сайық кешені директорының орынбасары:

-Қанша дегенмен, боулинг ойыны балаларға қатты ұнайды. Өйткені, олар осында шүйіркелесіп, өздеріне дос табады. Сол себепті, олар біз ұйымдастыратын жарыстарға қуана-қуана қатысады.

Қалалық турнирде 18 мектептен келген 11-13 жас шамасындағы оқушылар жарысуда. Ойын ережесі қиын емес. Бар болғаны, кеглиді шармен соғып құлатып, ұпай жинау қажет.

Сәлима Басанова, қалалық классикалық гимназия мұғалімі:

-Біздің балаларымыз осы жерді жақсы көреді. Жыл сайын келеміз. Жәй да демалысқа келеміз. Жарыстарға қатысып жүрміз.

Бұнда ең бастысы – жылдамдық емес, дәлдік керек. Бірден бәрін көздеп үйрену үшін ең алдымен ұзақ дайындалу қажет екен.

Алтынбек Айтмағанбетов, қалалық классикалық гимназия оқушысы:

-Бар үмітім – жеңу. Боулинг орталығына осындай сайыс ұйымдастырғаны үшін алғыс айтқым келеді.

Мария Селиванова, №32 орта мектеп оқушысы:

-Боулинг – өте қызықты ойын. Мені оған әкем үйретті. Жарыс өте қызықты және көңілді өтіп жатыр.

Спорттық таласта №32  орта мектеп оқушылары жеңді. 2-ші орын №17-ші мектептің еншісінде. Ал, үздік үштікті №1 мектеп-интернатының тәрбиеленушілері тұйықтады. Жеңімпаздар мен жүлдегерлерге кубок, мақтау қағазы және тегін боулинг ойнауға мүмкіндік беретін “флаерлер” табыс етілді.

Данаш Хамзина

Бұдан әрі оқыңыз

Жерлес футболшылар чемпион атанды
Аға буын өкілдері мен мектеп оқушылары шахмат ойнады
Тартысты матч тең аяқталды
“Qyzyljar” ФК “Академия Оңтүстік” командасын жеңді
«Qulager» хоккейшілері «Ertis» құрамасын тізе бүктірді
Өңірде жекпе-жектен облыстық турнир өтті
“Құлагер” ХК “Ақтөбе” құрамасынан минималдық есепте басым түсті
Көркем гимнастшылар сынға түсті
Али Алиев маусымның үздік жаттықтырушысы деп танылды
«Qulager» хоккейшілері өскемендік «Altai Torpedo» құрамасына есе жіберіп алды
“Құлагер” ХК “Бейбарыс” командасымен қос кездесу өткізді
Хоккейшілеріміз қарымта кездесуде басым түсті