“Мигрант” шарасы басталды

Құқық қорғау органдары

15:25 18 Наурыз 2014

«Мигрант» жедел алдын алу шарасы барысында полицейлер теміржол вокзалы, базарлар, құрылыс нысандары мен ойын-сауық орталықтарын қатаң бақылауға алды. Себебі ол жерлер шетелдік келімсектердің көп шоғырланатын орны болып табылады. Тәртіп сақшылары аталмыш шара барысында «Алатау» базары аумағында Қырғызстан Республикасының 1995 жылы туған азаматын қолға түсірді. Ол онда ақпан айынан бастап заңсыз түрде жүк түсіруші болып жұмыс істеп келген.

Қазір аталмыш факті бойынша материалдар жиналып, әкімшілік сот қарауына жіберілді.

Руслан Нұрғалиев, СҚО ІІД заңсыз көші-қонмен күрес жөніндегі инспекторы:

-Қазір Петропавл қалалық әкімшілік соты шетелдік мигрантқа 25 айлық есептік көрсеткіш көлемінде айыппұл салып, оны ел аумағынан шеттету туралы шешім шығарды.

«Мигрант» шарасының бір күні ішінде тәртіп сақшылары еліміздегі көші-қон заңнамасын бұзғаны үшін 66 келімсекті әкімшілік жауапқа тартса, соттың шешімімен 11 шетелдік елден шығарылып, тағы 11-не Қазақстанға уақытша кіруіне тиым салынды. Жедел алдын алу шарасы наурыздың 19-на дейін жалғаспақ.

Самат Есмағи

Бұдан әрі оқыңыз

Полицейлер сап түзеді
Ана мен баланы өлтірді деген күдіктіге қатысты сот отырысы өтті
Жамбыл ауданындағы қырмандардың бірінен 2 тонна арпа ұрланды
Оңай жолмен табыс табамын дегендер ұсталды
Жолда жүру ережесін бұзғандар жауапкершілікке тартылды
Тұрғылықты мекені жоқ жандар арнайы мекемеге жеткізілуде
Нәзікжанды жол апатынан қаза тапты
“Тайга” сауда үйінен күдікті пакет табылды
Кәсіпкерлер ақпараттандырылды
Жолға патрульдік полиция көлігінің макеті қойылды
Петропавлда 5 бірдей көлік қақтығысып қалды
Синтетикалық есірткі сатпақ болған аудан тұрғыны ұсталды