Көктемгі су тасқынына техниканың дайындығы тексерілді

Қоғам

14:14 14 Наурыз 2014

«Тазартқыш, су тартқыш және су өткізгіш ғимараттар» кәсіпорнындағы мына қаз қатар тізілген техникалар су тасқынына сақадай сай. Күн күрт жылынып, қардың көбесі сөгіле қалса, тез арада көмек көрсетуге дайын. Ал, мына «Урал» базасындағы бу қондырғысы қазіргі күні қатып қалған суағарлардағы мұзды ерітуде таптырмас темір тұлпар.

Биылғы қыс қарға сараң болған жоқ. Дегенмен өткен жылға қарағанда ақ ұлпа азырақ түскен. Бірақ, күн күрт жылынса, су тасқыны болуы ғажап емес. Сондықтан қалалық әкімдіктің жанынан осы жұмыстарға жедел арнайы штаб құрылып, жергілікті бюджеттен шамамен 14 млн теңге бөлініп отыр. Бұл қаражат былтырғыға қарағанда 3 млн теңгеге артық.

Данияр Сапаров, қалалық әкімдіктің ТЖ бойынша бас маманы:

– Су тасқынына байланысты техникалардың дайындығын бақылап, тексеріп жатырмыз. Барлық Петропавлдағы көшелерге қалалық әкімдіктегі құрылымдық бөлімшілердің басшылары бекітілді. Және шаһар тұрғындары мен кәсіпкерлерге осы жұмысқа қатысты түсіндіру жұмыстары жүргізлуде.

Бүгінгі күні қаладан 380 текше метр қар сыртқа шығарылған. Әлі де болса бұл жұмыстар жалғасуда. Ақ ұлпаны сыртқа шығаруға қаламыздағы 5 коммуналдық мекеме мен 70 шақты техника жұмылдырылған. Жеке сектордағы тұрғындар өз үйлерінің маңайын қардан тазарта бергені дұрыс дейді қалалық әкімдіктегілер. Ал, қазіргі күні 4671 мертр суағар қоқыс пен мұздан аршылды.

Бану Ахметова

Бұдан әрі оқыңыз

М.Жұмабаев ауданының тұрғындары шаштараз мамандығын меңгеруде
Анасы мен қызын өлтірген Игорь Дементьев 21 жылға сотталды
Петропавлда шағын саябақ пайда болды
Облыс орталығында жүзім фестивалі өтті
“Менің туым – менің Отаным” акциясы бастау алды
Мүгедек жандар өнерлерін паш етті
Петропавл тұрғыны жұмбақ жағдайларда қаза тапты
СҚО-да цифрландыру күндері өтіп жатыр
Сәлімхан Сәбитовтің жобасы республикалық байқауда жүлдеге ие болды
Солтүстікқазақстандық жастар пікірлерімен бөлісті
Жуырда ашылған “Асыл мирас” аутизм орталығының жұмысы
Ұлттың тірегі де, алтын арқауы да – қазақтың әжелері