Форумда облыс әкімі Самат Ескендіров “Бұл Елбасымыз Н.Ә.Назарбаев халықаралық аренада көтерген жаһандық диалогтың жаңа форматы. “G Global” диалогтік интернет-алаңын құру туралы идеясы бүгінгі таңда әлемдік қауымдастық тарапынан жер шарында тұратын барлық адамдардың пікір алмасуы жолымен жаһандық проблемаларды шешудің басты элементі ретінде қабылданды деді. Облыс әкімі G-Global жобасын жүзеге асыру үшін оның мақсатын әлеуметке жеткізудің маңызына тоқталды. Бастамаға ғалымдар, кәсіпорындар мен мекеме басшылары, бизнес қауымдастықтар мен БАҚ да үн қосуы керек. Бұл жерде аймақ басшысы жобаның алға жылжуына септесетін ақпараттық-насихат тобын құру қажеттігне де екпін берді. Материал туралы толығырақ біздің бейсенбі күнгі жаңалықтар топтамасынан көре аласыздар.
Данаш Хамзина