Ардагерлер Президент Жолдауын талқылады

Қоғам

14:23 22 Қаңтар 2014

Залға жиылған аға буын өкілдерінің жастары егде тартса да, әлі қоғамдық өмірге белсене араласуда. Биыл олардың басы осындай құраммен алғаш жиылып отыр. Мақсат – өткен жылы атқарылған жұмыстарды қорытындылау. Олардың бәрі еліміздің, өңіріміздің дамуына бағытталған. Ал ең маңыздысы – өңір ардагерлерінің қордаланған мәселелерін шешу.

Анатолий Корабельников, СҚО ардагерлер кеңесі төрағасының орынбасары:

-Өткен жылы атқарылған жұмыстар аз емес. Олардың бәрі “Қазақстан- 2050” стратегиясымен тығыз байланысты. Бұл тұрғыда 22 пленум, 79 алқа отырысын өткіздік, өңір ардагерлерінің басын қосып. Әр жиын сайын еңсерілген жұмыстар мен қордаланған мәселелер сараланып отырды. Олардың бәрін атқарушы билік өкілдерімен бірлесе отырып шештік.

Үстіміздегі жылдың 15-ақпанында Ауған жерінен кеңес әскерлерінің шығарылғанына 25 жыл толмақ. Оны тиісті деңгейде атап өту мәселесі облыстық ардагерлер кеңесінің алқа отырысында да жан-жақты қаралды. Жиында сондай-ақ айтулы датаға орай Тайынша аудандық ауған соғысы ардагерлері қоғамдық бірлестігінің төрағасына «ҚР қарулы күштеріне 20 жыл» төсбелгісі тапсырылды.

Рашид Болтачев, “Тайынша аудандық Ауған соғысы ардагерлері” ҚБ төрағасы:

-Мен үшін ең маңыздысы – еліміздегі тыныштық. Ол Елбасының көреген  саясатының арқасы. Төс белгімен марапатталғаным мен үшін қуаныш. Тілегім – біздің көргенімізді өскелең ұрпақтың басына бермесін.

Жиында сондай-ақ аға буын өкілдері осы жылы атқарар жұмыстарын да айқындап алды. Мақсат-мүдделердің бәрі Елбасының Қазақстан халқына арналған биылғы жолдауымен тығыз байланысты. Себебі ондағы басым бағыттардың бәрі халықтың әлеуметтік жағдайын арттыруға бағытталған.

Самат Есмағи

Бұдан әрі оқыңыз

Былтыр Петропавлда 200-ге жуық ауыл шаруашылығы жәрмеңкесі өтті
Атаулы әлеуметтік көмектің жаңа форматы
Игорь Дементьев өмір бойына бас бостандығынан айырылды
ҚР Ұлттық ұланының құрылғанына биыл – 28 жыл
Мемлекет басшысының мақаласы жарық көрді
Петропавлда ескі ағаштар кесіліп жатыр
Әлеуметтік желі арқылы танымал болған сырғанақ
“Салауатты мектеп” жобасы жүзеге асырылып жатыр
СҚО -да сыбайлас жемқорлық фактісі тіркелді
Табиғи монополияларды реттеу департаменті қоғамдық қабылдау өткізді
Есіл ауданындағы қар тазалау жұмыстары
“Өңірлерді дамыту-2020” бағдарламасы аясында жөндеу көрген үйлер