Бахыт Рамазановтың ұлы қазақ-түрік лицейінің 7-сыныбында оқиды. Бүгін ол өзге ата-аналардың қатарында волейболдан сынға түсу үшін келген. Әзірше басқа құрамалардың өнерін тамашалап, қарсыластарының мүмкіндіктерін байқауда.
Бахыт Рамазанов, ата-ана:
–Барлығы жақсы дайындықпен келген. Көрініп тұр. Қолымыздан келгенше тойтарыс береміз деп ойлаймын.
Қазақ- түрік лицейіндегі ата- аналар арасындағы спартакиада биыл осымен 6-шы рет өткізілуде. Теннис, шахмат, волейболдан 70-ке жуық аға буын өкілі сынға түсіп, спорттық қарым-қабілеттерін көрсетуде. Мұндай шаралар салауатты өмір салтын дамытып, оқушылар мен ата-аналар арасындағы қарым-қатынасты нығайта түсуге септеседі дейді ұйымдастырушылар.
Ақжан Сұрағанов, бас төреші:
– Бұл сыныптар арасындағы қарым-қатынасты жақсартуға септеседі. Ата-аналардың да әрі қарай араласуына жол ашады.
Спартакиада жеңімпаздары кубок, дипломдармен марапатталады. Ал волейболдан бірінші орынға қол жеткізген ата-аналар командасы, қараша айында қазақ-түрік лицейлері арасында өткізілетін жарысқа жолдама алады.
Мағжан Ахмадина