Жасөспірім тұрмысы жақсы отбасыдан. Анасы Астанада жұмыс істейтіндіктен әжесімен тұрады екен. Әзірге, 25 жастағы маманның не себептен бұлай істегені белгісіз. Ол қалған оқушыларға «көрдім» деп тіс жармаңдар, кейін 1-ші тоқсанда оқуларыңды “5”-ке қорытамын» деп уәде берген. Бірақ, бұл уәденің орындалмайтын түрі бар. Өйткені, мұғалім Әкімжанова қызметінен қуылды. Ол директордың келіні болып шықты. Мектеп басшысы да жұмысынан кетті.
Арман Құсанов, СҚО прокурорының көмекшісі:
-Прокурорлардың жазған актісі бойынша аталған мұғалім тәрбие беретін қызметкер бола тұра адамгершілікке жатпайтын қылық жасағаны үшін ҚР Еңбек кодексі 54-ші бабы 1-ші тармағының 11-ші тармақшасына сәйкес қызметінен босатылды. Сондай-ақ, бұл мектептің директоры да жұмысынан шығарылды. Оқушының ата-анасының залалдың орнын толтыру туралы сотқа арыз түсіруге құқықтары бар.
Данаш Хамзина