«Әзілің жарасса, атаңмен ойна» дейді дана халқымыз. Солтүстікқазақстандық әзіл сүйер қауым үшін биыл ерекше жыл. Осымен өңір әкімі кубогіне арналған көңілділер мен тапқырлар ойындары 5- ші рет ұйымдастырылып, қалың көрерменге мерекелік шуақ шашуда. Әзілқойлардың бұл жолғы кездесуі де әр команданың өзіндік ерекшелігі мен стилін танытты.
Ержан Аманов, «Тереңөзек» құрамасының ойыншысы, Қызылорда облысы:
– Ертегі стиліндегі әзілдер, яғни ол қазақы ескі ертегілерді жандандыру мақсатында жасалған сценалар.Саяси әзілдерді ұсынамыз.
Әнуар Әбдірайымов, «Аграрка» құрамасының ойыншысы, Астана қаласы:
-Классикалық әзілдер және мағыналы әзілдерді шығарамыз.
СҚО әкімінің кубогіне арналған Республикалық КВН фестиваліне 9 құрама қатысты. Көңілді де тапқыр командалар қоғамдағы түйткілді мәселелерді қозғауға тырысып бақты.
Сайыс қортындысы бойынша 3-ші орынды «Қызылжар мектеп құрамасы» еншілесе, 2-ші тұғырдан Шу қаласынан келген «Шу- Чу» командасы көрінді. Ал бірінші орынды Қызылордадан келген «Тереңөзек құрамасы» жеңіп алды. Бас жүлде семейліктердің қанжығасына байланды.
Айбек Жалелов, «Рахмет» құрамасының капитаны, Семей:
– Ойын сәтті өтті. Жалпы дайындық жақсы болды. Әрине мықты құрамалар келетінін біліп қатты қобалжыдық. Дегенмен кубок бізде.
2 сағатқа созылған ойын халық көңілінен шықты. Әсіресе өзге аймақтардан келген командалардың әзілдері жастарға ерекше әсер қалдырыпты.
– Семейден келген құрама ұнады. Әзілдерді де жақсы болды.
– «Шу- чу» командасы, тереңөзектіктер көңілімнен шықты.
– Барлық командалар жақсы ойнады. Бөліп жарып- айта алмаймын. Барлығы ұнады.
Мағжан Ахмадина