Спортты серік еткен отбасылар

Спорт

14:05 6 Қыркүйек 2013

Асыл Сүлейменова бүгінгі жарысқа қатысуға қуана келіскен. Жолдасы Еркеш 16 жыл түзету мекемесінде қызмет атқарады екен. Екі баланың анасы осындай сайыстар отбасының бірлігін, татулығын шыңдайды дейді.

Асыл Сүлейменова:

-Мұндай жарыстар отбасының бірлігін нығайтып, татулығын паш етеді.

«Спортты серік еткен отбасылар» сайысына 8 команда қатысып отыр. Олар 5 кезеңді бағындыруы тиіс.

Любовь Лапина,«Азаматтық бастамаларды дамыту институты» ҚБ аға менеджері:

– Бұқаралық спортты дамытуда мұндай жарыстардың маңызы зор. Дені сау ұрпақты қалыптастыруға өз үлесімізді қосып, спортқа деген жастардың қызығушылығын оятамыз.

1-ші сайысқа отбасының барлық мүшелері қатысса, екінші кезеңде өз өнерлерін тек отағасылар паш етті. Ал 3-ші болып ортаға аналар шықты. Нәзік жандылар 1 минут ішінде әуе шарларын ракетканың көмегімен межеленген орынға жеткізу керек болды. Бұл сында 4 ұпай жиған Айдана Байғожина топ жарды.

Айдана Байғожина:

-Жаңағы сайыста жылдамдық, ептілік керек болды. Жалпы ойындар тартысты өтуде.

Сайысқа қатысушы барлық құрамалар сыйлықтармен марапатталады. Ал жеңімпаздардың жүлделері «Улыбка» қайырымдылық қорына аударылмақ

Мағжан Ахмадина