Астық берекелігі жақсы дейді мамандар. Орташа алғанда гектарына 13,8 центнерден айналуда. Бұдан төмені мен жоғарысы да бар. Мәселен, Айыртау ауданында гектарына 16,1 центнерден шыққан. Жанар-жағармай жеткілікті. Биыл солтүстікқазақстандық аграрийлерге Үкімет 72 мың тонна арзандатылған дизель отынын бөлген. Егіс алқаптарында 14 мыңнан аса трактор, 9,5 мың комбайн және 5 мыңнан артық дестелегіш жұмыс істеуде. Егін орағының қарқыны күннен-күнге қызып келеді. Тек ауа райы кедергі келтірмесе болғаны. Естеріңізге сала кетейік, ағымдағы жылы ауыл шаруашылығы дақылдары 4,4 млн. гектарға егілген болатын. Соның 3,6 млн. гектары – дәнді дақылдар. Жалпы, Солтүстік Қазақстан облысы республика бойынша жиналатын астықтың 30 пайызын береді. Биылғы өнім көлемі 5 млн. тоннаға жетеді деп жоспарланып отыр.
Данаш Хамзина