Петропавлдық кәсіпкерлердің оқушыларға сыйлығы

Қайырымдылық

13:49 21 Тамыз 2013

Мына жеткіншектер көп ұзамай өздері сағынып жүрген алтын ұя мектептеріне оралады. Көпбалалы және тұрмыс деңгейі төмен отбасылардан шыққан оқушылар бүгін кеңсе  тауарлары мен түрлі киім-кешекке ие болды. “Мектепке жол” атты республикалық акция аясындағы шараны өткізуге “Эра милосердия” ҚБ-не кәсіпкерлер де қолдау танытқан.

Галина Калинкина, “Эра милосердия” ҚБ президенті:

-Балғындарға біздің жақсы сыйымыз бар. Оларға түрлі тәтті-дәмдіні де әкеп қойдық. Бүгін “Білім күніне” арналған шағын мереке десе де болады. Негізі қала бойынша 3 сауда нүктесінде киім жинайтын себет қойдық. Қамқорлығымыздағы отбасылар еш таршылықты сезінбейді.

Бүгінгі таңда клубқа 78 ата-ана мүшелік етеді. Көбі 4 және одан да көп баланы қанаттыға қақтырмай, тұмсықтыға шоқтырмай мәпелеп өсіріп отыр. Сандуғаш Тазболатова бүгін екі баласын ерте келген.

Сандуғаш Тазболатова, “Эра милосердия” ҚБ мүшесі:

-Балаларды киіндіру үшін көп қаражат керек. Біздің бұған көбіне-көп шамамыз жетпей жатады. Былтырдан бері жақсы көмек жасап келеді. Жаңа жылдарда сыйлықтар беріп, мектепке дайындалуға көмектеседі.

Білім күніне орайластырылған бүгінгі шарада 6 мен 13 жас аралығындағы 70 бала сыйлыққа ие болды. Оқушылар өз кезегінде бұл мерекені ұйымдастырған демеушілерге зор алғысын білдірді.

– Осы акция арқылы қолы ашық адамдар анама үлкен көмек беруде. Оған біз де қуанамыз. Көп рақмет. 2-ші жыл алып жүрміз.

– Мен де мұндай көмекті 2-ші жыл алып жүрмін. Бәріне көп рақмет.

“Мектепке жол” акциясы елімізде 6 жыл қатарынан өткізіліп келеді.

Берік Қасен

Бұдан әрі оқыңыз

Пластик қақпақтарды кәдеге жарату акциясы жүріп жатыр
Еріктілер ме, әлде алаяқтар ма
«Балаларға қуаныш сыйла» қайырымдылық акциясы өтті