«Контрафакт» жедел алдын алу шарасының мақсаты – терроризм, экстремизм мен зорлау фактілері бейнеленген заңсыз бейне-аудио тауарлардың таралуына тосқауыл қою. Осы орайда тәртіп сақшылары Петропавлдағы сауда орындарын аралап шыққан болатын.
Руслан Бейсенов, СҚО ІІД криминалдық полициясы басқармасының аға жедел уәкілі:
–Компьютерлік клубтарды, дәмханалардағы ғаламтор мен компьютер саудалайтын фирмаларды тексердік.
Облыс аумағында 2 күн бойы жүргізілген іс-шара барысында заңсыз айналымнан 500-ден астам DVD дискісі табылды. Тәркіленген заттар әділет департаментіне сараптамаға жіберілді.
Гүлжәмилә Бектұрова, СҚО әділет департаментінің бөлім басшысы:
-Заңсыз айналымнан тәркіленген заттар соттың шешімімен жойылуға жатады.
Мұндай заңсыз іспен айланысқан жеке тұлғаларға ҚР әкімшілік құқықбұзушылық Кодексінің 129-бабы бойынша 100-ден 110-ға дейін, ал заңды тұлғаларға 150-ге дейін айлық есептік көрсеткіш көлемінде айыппұл төлету жазасы қарастырылған.
Берік Қасен