Телефон лаңкесінің ісі бойынша сот үкімі шықты

Құқық қорғау органдары

14:19 5 Тамыз 2013

Бұл – ағымдағы жылдың мамыр айында болған оқиға. 16 жастағы бозбала жұртты түске дейін 2 мәрте дүрліктіреді. Бірінде Пресновкадағы «Феникс» дәмханасында жарылғыш зат қойылды деп хабарласа, 5 минуттан кейін қайта қоңырау соғып “Фортуна” дүкенінің де күллі көкке ұшады деген. Оқиға орнына жедел түрде жеткен қызметкерлер екі нысанды да тексеріп, ақпараттың жалған екендігін анықтайды. Еріккен жігіт ұсталды. Ол Жамбыл ауданындағы Святодуховка елді мекенінің тұрғыны болып шықты. Бүгін кәмелет жасқа толмағандардың ісі жөніндегі мамандандырылған ауданаралық сотта оған қатысты үкім шығарылды.

Бақыт Қасейінов, СҚО кәмелеттік жасқа толмағандардың ісі жөніндегі мамандандырылған ауданаралық соттың төрағасы:

Портополов Алексей Владимирович кінәлі деп танылып, 1 жылға бас бостандығын шектеу жазасы қарастырылды. Оған тұрақты мекен жайын, жұмысы мен оқу орнын ауыстыруға, басқа жаққа шығуға, ойын-сауық орындарына баруға тиым салынады және мамандандырылған мемлекеттік органның талаптарын орындауға міндеттеледі.

9-шы сыныптың оқушысы өзі жалғыз тұрып келген. Ол өз кінәсін толығымен мойындап отыр. Ойнаймын деп от басқан ол осындай қылықтардың өкінішті аяқталатынын енді түсінген.

Алексей Портополов:

Өтіріктің құйрығы бір- ақ тұтам. Соны енді ғана ұқтым.

Облыс аумағында жыл басынан бері жарылғыш зат туралы жалған ақпарат берудің 3 фактісі тіркелген.

Мағжан Ахмадина

Бұдан әрі оқыңыз

Қос велосипедті ұрлап, сатып жіберген
Қоршаған ортаны қорғау заңнамасы 153 мәрте бұзылған
Петропавлда есірткі саудалаған бойжеткен ұсталды
Скутер тізгіндегендер тексерілді
“Қауіпсіз жол” жедел-алдын алу іс-шарасының нәтижесі
Өңірде заңсыз аң аулау фактісі тіркелді
“Газель” автокөлігі “Джон дир” тракторына соғылды
2 мыңнан астам жерлесіміз жолда жүру ережесін бұзған
Петропавлда 39 жастағы баукеспе құрықталды
Қару-жарақ пен оқ-дәрі қабылдау акциясы басталды
СҚО-да есірткіге тәуелді жандардың қатары азаюда
Атты полицейлер саяжай учаскесінде мас бұзақыны ұстады