Жыл басынан 39 мыңнан астам адам әкімшілік жауапкершілікке тартылса, 40 мыңға жуығына айыппұл салынған. Заңсыз айналымнан 57 келі есірткі тәркіленіпті. Іздеуде жүрген 144 қылмыскердің 80-і құрықталған.
Мұрат Ұрұмханов, СҚО Ішкі істер департаментінің бастығы:
– Ең көп таралған қылмыс түрі – ұрлық. Биыл 3 271 факті тіркедік. Оның 909-ы – пәтер тонау, 800-ден астамы ұялы телефон ұрлау, 8-і көлік, ал 170-і мал ұрлау болып табылады.
6 айда жалпы 4 жарым мыңнан астам қылмыс тіркеліпті. Тәртіп сақшыларының мәлімдеуінше, ауыр және аса ауыр түрі азайған.
Мұрат Ұрұмханов, СҚО ІІД бастығы:
– Қарақшылық, тонау қылмыстарын кеміді. Өткен жылмен салыстырғанда алдын алу жұмыстарының нәтижесінде кейбір фактілердің кемігенін байқадық.
Өткен жылдың сәйкес мерзімімен салыстырғанда жол-көлік оқиғалары 7,2 пайызға азайған. Оған көшеде тұрған жылдамдық өлшеуіш құралдарының да ықпалы тиді дейді тәртіп сақышылары. Биыл аппараттардың санын арттыру жоспарланған. Алдағы уақытта тағы 4-уі іске қосылады.
Мағжан Ахмадина