Шараға учаскелік инспекторлармен бірге полиция басшылығы да белсенді қатысқан. Мәселен, тұрғындарды қалалық № 13 аймақтық полиция бекетінде ішкі істер департаменті бастығының орынбасары Серік Ыдырысов қабылдады. Кездесуде азаматтар маңайға бей-берекетсіз көлік қою мәселесі мен түнде аулада отыратын жастардың маза бермейтіні жайлы көп айтқан. Тұрғындардың ұсыныстары мен шағымдары алдағы уақытта ескерілетін болады. Осылайша учаскелік орындарда 569 кездесу ұйымдастырылып, 100-ден астам өтініш келіп түскен. Оларға қатысты тиісті шаралар қабылданды.
Бұдан басқа тағы 150 жиын өткізіліп, оған 9 мыңға жуық адам қатысқан. Түскен 262 шағымның 75-і абаттандыруға байланысты. Келесі акция жылдың соңында ұйымдастырылмақ.
Мағжан Ахмадина