Спартакиада концерттік бағдарламамен ашылды. Жарыстың жалауын бұл жолы өткен жылдың жеңімпаздары 4-ші жасақтағы жазасын өтеушілер көтеріп шықты.
Қайрат Басағаринов, ЕС 164/3 түзету мекемесі бастығының тәрбие ісі жөніндегі орынбасары:
– Бұл турнирге әр жасақтан 40-50 адамға дейін қатысады. Олар волейбол, үстел теннисі, қол күресінен бақтарын сынайды.
Сайыс футболдан басталды. Колония құрамасы ойын алаңында “Жеңіс” балалар мен жасөспірімдер спорт мектебінің командасымен кездесті. 7/6 есебімен жазасын өтеушілер басым түсті.
Николай Ефшименко, жазасын өтеуші:
–Ойын тартысты өтті. Біз де есемізді жіберген жоқпыз. Жеңгенімізге қуаныштымыз. Енді осыдан кейін мен волейбол ойынына қатысамын.
ЕС 164/3 мекемесінде спартакиада шілденің соңына дейін жалғасады. Қатысушылар ауыр және жеңіл атлетикадан басқа тоғыз құмалақ пен шахматтан да сынға түседі.
Берік Қасен