Үздік әскери қызметшілер марапатталды

Қоғам

14:15 12 Маусым 2013

Марапаттау кешіне қатысқан ҚР ІІМ ІӘ бас қолбасшысының орынбасары Мұхаметқали Сатов өңіріміз ат басын тірегеніне бірнеше күн болды. Іссапарының басты мақсаты – ішкі әскерлерді қайта ұйымдастыру.

Мұхаметқали Сатов, ҚР ІІМ ІӘ Бас қолбасшысының орынбасары:

– Елбасының тапсырмасымен Солтүстік Қазақстан облысына келіп отырмыз.

Әскери қызметкерлермен кездесуден кейін құрметті мейман еңбегімен ерекшеленгендерді марапаттады. Мұхаметқали Сатов Отан десе жанын пида ететін жандарға қашан да құрмет көрсетуіміз керек деді.

Мұхаметқали Сатов, ҚР ІІМ ІӘ Бас қолбасшысының орынбасары:

– 20 жылдың ішінде 700-ге тарта әскер қаза тапты.

Бұдан кейін кеш 66/37 әскери бөлімінің еңбегімен ерекшеленген қызметкерлерін марапаттаумен жалғасты. “Ең үздік взвод командирі” атағына аға лейтенант Сәкен Шаяхин лайық деп табылды. Кезінде ол әскери саладағы еңбек жолын жүргізушіліктен бастаған екен. Ал, бүгінде автомобиль ротасы командирінің орынбасары қызметін атқарады. Аға лейтенант Сәкен Шаяхин әскери салаға 13 жылын арнаған. Марапаттау кешіне әскер қатарына шақырылған азаматтар да қатысты. Арасында Жанболат Садуов та бар. Жанболат биылғы жылдың күзінде әскерге аттанады. Болашағын әскери өмірмен байланыстыруды армандайтын жігіт бұл кештің мен үшін маңызы зор дейді.

Кешке қатысқан ҚР ІІМ ІӘ бас қолбасшысының орынбасары Мұхаметқали Сатов еңбегімен ерекшеленген әскери қызметкерлерге алғыс хаттар мен дипломдар табыстады. Марапаттау кеші концертке ұласты.

Бану Ахметова

Бұдан әрі оқыңыз

Абайдың 175 жылдығы: Семей тарихи орталық деп танылады
Атаулы әлеуметтік көмектің жаңа форматы
Петропавлда мемлекеттік қызметтер жәрмеңкесі өтті
Жемқорлыққа қарсы жаңа акция
Кей қалалықтар жедел жәрдем дабылына наразы
“Өңірлерді дамыту-2020” бағдарламасы аясында жөндеу көрген үйлер
Мамлют ауданында баспана кезегі жылжымай тұр
Петропавлда “Крещение Господне” мейрамы аталып өтті
“Ватрушкалар” қаншалықты қауіпті
Петропавлда қар тазалау жұмыстары қызу жүргізіліп жатыр
Петропавлда еріктілер қозғалысы орталығы ашылды
Айыртау ауданында “Ашық әкімдік” фронт-офисі жұмысын бастады