Көктемгі су тасқынының кесірін жеке сектордың тұрғындары татуда. Елена Логинова топан сумен өздігінен күресуге қауқарсыз жандардың бірі. 90-ның төріне аяқ басқан қарияның мәселесін арнайы қызметтер шешіп беріпті.
Қанат Баяндин, СҚО ТЖД бөлім бастығы:
-ТЖД, өрт сақшылары, “Коммунхоз” коммуналдық кәсіпорыны мен суда құтқару қызметі өкілдері бір мүддеге жұмылдырылды. Бірлесіп облыс орталығындағы 96 үйді судан арылттық. 2 мүгедекті қауіпсіз аумаққа шығардық.
Енді зейнеткерге Қызыл ай қоғамының еріктілері көмек қолын ұсынып отыр.
– Міне сіздерге ақша, азық-түлік
– Көп рақмет
Бұндай қамқорлық жалғыз басты аға буын өкілдері мен мүгедек жандарға жасалуда. Игі шара ел көлемінде 2-ші сәуірден бастау алды.
Сауле Оразова, ҚР “Қызыл ай” қоғамының СҚОФ директоры:
-Мақсатымыз топан судың зардабын шеккендерге көмек көрсету. Қазір жапа шеккендерге аса қажет киім-кешек, азық-түлік жинап, қаржылай қолдау жасауды қолға алдық. Өзгенің мәселесіне өзінікіндей қарайтын жандар көбірек болса дейміз.
Ұйымдастырушылар өңір тұрғындарын мұқтаж жандарға мүмкіндігінше қолғабыс жасауға үндейді. Ал сәуірдің 21-і сағат 14.00 Петропавлдағы Достық үйінде қайырымдылық кеші ұйымдастырылады.
Жеңіс Ермұқанов