Тұрғындарды жылу энергиясын өндірудің тарифтік сметаларының орындалуы қызықтырады. Энергетиктер өзіміздің міндетімізді толықтай атқардық деп отыр. Инвестициялық бағдарламалар мен жөндеу жұмыстары орындалып, жылу көлемі жеткілікті болған көрінеді.
Виктор Бармин, №2 Петропавл жылу-электр орталығының директоры:
– Аязды күндердің өзінде жылудың көлемі мен сапасы тиісті деңгейде болды. Қазіргі таңда 6-шы қазандық жөнделді. 4,7 және 8-ші қазандықтар да қалпына келтірілуде. Бұл құрылғылардың жұмысын сапалы етіп қана қоймай, уақытты үнемдеуге мүмкіндік берді.
Дегенмен кәсіпорынның жұмысына байланысты шағымдар да жетерлік. Олардың біреуі мынадай:
Жолдас Ұлықпанов:
– Тұрғындарда фильтрлердің дер кезінде алмастырылмауына байланысты жылу- электр орталығы қоршаған ортаны ластайды деген пікір қалыптасқан. Осының кесірінен экология мен адамдардың денсаулығына зиян келуде. Бұл қаншалықты шындыққа жанасады?
Виктор Бармин, №2 Петропавл жылу-электр орталығының директоры:
– Биыл біздегі күлтұтқыштарды толықтай алмастырдық деуге болады. Қазіргі таңда барлық қазандықтар қуаттылығы 99,5 пайыз болатын күлтұтқыштармен жарақтандырылған. Жалпы 4 жылда қоршаған ортаға зиянды қалдықтардың бөлінуін 6 есеге азайттық.
Бұл бағыттағы шаруа әлі де жалғасады дейді жылу-электр орталығының директоры. Биыл кәсіпорын жөндеу жұмыстарына 7 млрд теңгеге жуық қаражат бөлуді жоспарлап отыр.
Инеш Шоқақова